Ezekelo 4:4 - Amazwi Yakwe Leza 2013

⁴ “Nupya lala kambazo kwikasa limani, nu kuitwika maifyo ya ina Izlaeli. Uli nukusenda icisendo ca maifyo yao apa manda yonsi aumi wako yano ulalalilila umu musango kwene uo.

Ezekelo 4:4 ပူးပေါင်းရင်းမြစ်များ

Ezekelo 4:5

Nakupimila mpiti amanda yi iifyo lyao. Ulasenda iifyo lya ng'anda yakwe Izlaeli apa manda imyanda itatu na makumi fundimbali (390).

Ezekelo 4:8

Inda kunyepelela ni myando apakuti utaca uwasunkana ku na ku, mpaka uce ukamalile amanda ya ucuzi wako.

Aina Levi 10:17

“Uzye pacani cino mutalilile uwila wa kwelela amaifyo mu Ncende Yamuzilo? Uzye mutamanya ukuti uwila uu uwamuzilo cuze? Nupya mumanyile ukuti Yawe watapeela kunomuli kuti mucite ulutambi lwa kufuta amaifyo pakuti afumye maifyo yi uvi.

Aina Levi 16:22

Imbuzi iyo isende maifyo yao yonsi mu mpanga mu mapoli muno mutikala antu. Lyene umuntu wiyo aisapulwile mu lwanga.

Mpendwa 14:34

Mulacula pamulandu wi iifyo linu amanda amakumi yani, nu wanda onga mu manda yalya yano mwaile mwendezya impanga, ukwimilila umwaka onga. Ali pakuti mukacilole, mukasambilile vino kuvunukwa na Yawe kwaya!

Mpendwa 18:1

Yawe anena Aaloni ati, “Ukutandikila sile pali wewe ukuya pa ana yako aonsi, alino ukwikapo ulupwa lwaku mutwe lonsi, mulapelwa mulandu ukome cuze ndi cakuti umwi panomuli waca waluvyanya cimwi mwi Taalu lya Ukongano. Mulapelwa mulandu ndi mwaca mwaluvyanya mu mulimo winu wa usimapepo.

Mateo 8:17

Cii cacitike kuti cifikiliziwe cino kasema Ezaya wavwanzile ati, “Wene watozile indema zitu, asenda ni ndwala zitu.”

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.