Ezekelo 4:3 - Amazwi Yakwe Leza 2013

³ Alino lyene utoole icela icipapatale, icili wa lwangayo. Uciimike pakasi kako nu musumba, ulozye na manso yako ku musumba. Umusumba ulaya uzanzwe, nupya wewe kwene ulauzanza. Na cico cilaya ali cilangililo ca kusoka ing'anda yakwe Izlaeli.

Ezekelo 4:3 ပူးပေါင်းရင်းမြစ်များ

Ezaya 20:3

Lino umusumba wa Asyidodi waposilwe alino Yawe wavwanzile ati, “Ezaya umuomvi wane camusendela imyaka itatu ala akupita tupu ukwaula nanti indyatu uku ngazo. Icintu cii ali cimanyililo ca vintu ivilaponela aina Eguputo na ina Kusyi.

Ezaya 22:7

Umu mikonko ivunde yaku Yuda mwali muzile amaceleta yatupu. Ivita vino vikapitila pa mfwalasi navyo vyali vimilile apa mpongolo zya musumba wa Yelusalemu.

Ezaya 8:18

Nemo indi pano, pali ponga na yayo yano Leza wampela. Yawe Wamaka yonsi, wino icilimba cakwe ca wene cayela apa mwamba wa Zioni, sweswe tuli yakambone yampomvu yano watuma ku kusinila aina Izlaeli.

Yelemiya 39:1

Mu mwaka walenga fundimbali mu mwezi walenga ikumi wa kuteeka kwakwe Zedekiya mu Yuda, Nebukadineza umwene waku Babiloni wizile ni vita vyakwe vyonsi ku kwiza lwisya umusumba wa Yelusalemu

Yelemiya 39:2

Mu mwaka walenga ikumi na onga, uwa kuteeka kwakwe Zedekiya, mu mwezi wakwe cini, apa wanda walenga fundimbali, ilinga lyamokolwa.

Ezekelo 12:11

Uyanene uti, ‘Nene indi cimanyililo kuno muli.’ Ndi vino ncisile, avino cilayacitikila. Yalasendwa ku uzya.

Ezekelo 12:6

Leka yalole kuno ukwika cifunda cako pa ciye nu kufumila ukunzi lino kakuku kaciliko. Uvimbe pa manso pakuti utangalola pansi, pano natinkucita kuya icimanyililo cakuceula ang'anda yakwe Izlaeli.”

Ezekelo 5:2

Lino ukuzanzwa kwa musumba kwaya umukusila, tola akamutumba konga uye ukakocele pakasi ka musumba. Alino utoole akamutumba kakwe ciili, uye ufume ukukacentola nu lupanga lino ukuzinguluka umusumba. Akamutumba kakwe citatu, kene ukakanyunye umu muza, nga nani namafuma nkulondela apacisila nu lupanga.

Danieli 11:17

“Umwene waku Silya alaya ni lango lya kuweluluka, ala akuomvya impuka yakwe yonsi ya vita. Lyene apakuti angonona uwene wa mwanisi wakwe, wene alalemana pamwi na aliwe nu kumupomela umwanakwe umwanaci. Lelo ilango lyakwe litalafikiliziwa.

Aina Levi 2:5

“‘Ndu kupanga umukate wa wila wa usu mukuomvya cikombole, uwila uwo ulinzile ukuya umukate wa usu utonyoleke utikinkanye na mafuta, nupya usi na citutumusi.

Luka 2:34

Lyene Simeoni ayapolelela anena Maliya nyina wa mwana ati, “Lola umwana wii waikwa na Leza kuti aye cakuponya nu kukatusya aingi mu Izlaeli, nupya kuti aye wa cilangililo kufuma kuli Leza cino aingi yalakana.

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.