Ezekelo 4:14 - Amazwi Yakwe Leza 2013

¹⁴ Lelo nani navwanzile nati, “Awe, vivyo foo we Yawe Simwandalali! Nemo ntatala nailikizya. Ukutandikila sile uku ulumendo wane ukufika na pilelo, ntatala nalya icintu iciifwile nanti icilemwe ni nyama zya mpanga. Inyama ya mifitalila itatala ingila umukanwa kane foo.”

Ezekelo 4:14 ပူးပေါင်းရင်းမြစ်များ

Kufuma 22:30

Mwampeela mayeli ya ng'ombe ni mfwele ni mbuzi zinu. Mwaleka iyeli lyaviko na nyina amanda cinimbali, na pa wanda uwalenga cinani mulipeela kunondi.

Kufuma 22:31

“Mwemwe antu yane. Caleka mutalinzile ukulya inyama ya citeekwa cino cakomwa ni cilyanyi ca mpanga. Inyama iyo mupeele kuli yasimbwa.

Ezaya 65:4

Apa nsita ya usiku yene yakaya uku macele nu mu malindi. Ali muno yaya yapandwa amano ku mipasi ya afwe. Lyene alino yalya kapoli nu kumwelapo umusunyi wa nyama zikowele, zino yakatuula impolelwa.

Ezaya 66:17

“Yaya yano ndazana yaizifya, yaisangulula, apamulandu wakutantama imilongo nu kuya mu vyalo muno yateyanyizizya utuluwi nu kutupepa, awe yene ale yapusuka casililikila. Yano nkulanda ayaya yonsi yano yalya kapoli, yakuza na vyonsi vyawinyi ivikakulika pansi. Ivicitwa vyao nu kwelenganya kwao, vilasila vyonsi pyu iila lyonga kwene. Ivyalanda Yawe.

Yelemiya 1:6

Nani ali pakwasuka inti, “Iye, we Yawe Simwandalali! Lola nemo nene mwance, nupya ntamanya ivyakuvwanga.”

Ezekelo 20:49

Nga nani ali pakwasuka inti, “Yawe Simwandalali, antu yakalanda kunondi yati, ‘Umuntu wiyo akauma sile imilumbe!’ ”

Ezekelo 4:15

Leza ali pakuti, “Icisuma, nakuzumilizya ukuomvya citindi wa ng'ombe pa ncende ya mavi ya muntu.”

Ezekelo 44:31

Yasimapepo yatakalye icunyi icaifwila, nanti inyama iyaifwila, nanti citeekwa icakomwa ku citeekwa cuze.

Ezekelo 9:8

Nga lino yakukomola antu, nemo ne Ezekelo nsyala nimilile sile nenga. Awe mukwai niza naifwanta icinzamba pansi ufupime, indila inti, “Kalanda we Yawe, uzye icani cino wasokela umusumba wa Yelusalemu, cakuti ukomole aina Izlaeli yonsi yano yasyala mu mpanga ii?”

Danieli 1:8

Lelo Danieli wene aipingula ukukana ikowezya umwisikulu ku vyakulya na waini wakwisano, nga auzya cilolo mukalamba kuti amupeele insambu zyakuntaikowezya mu musango kwene ndi uu.

Aina Levi 17:15

“Mwina Izlaeli ali wensi nanti mwinamasi wino akwikala mwi uvi lya ina Izlaeli ndi walya inyama ino yatiifwila nanti ino yatilumwa ni cilyanyi ca mpanga, alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 19:7

pamulandu wakuti inyama iyo iyamifitalila kulingana nu lutambi lwa mpolelwa iyo. Nupya ndi cakuti umuntu umwi walya inyama iyo pa wanda uwalenga yatatu, ntangapokelela impolelwa iyo.

Aina Levi 22:8

Simapepo atalinzile kulya inyama ino yaifwila nanti ino yatikomwa ni cilyanyi ca mpanga, pano ingamulenga ukuya uwamifitalila. Nene Yawe.

Milimo 10:14

Lelo Petulo avwanga ati, “Awe Mwene! Cumi ntatala nalya icintu cimwi citasanguluka nanti cikowele.”

Malango 14:21

“Mutakezye ukulya icintu icili consi icaifwila. Umwinamasi uwiza wino mukaikala nawe mungamupeela alye. Ndi mukasi mungakazya ku inamasi yauze. Lelo mwemwe yakwe Yawe Leza winu. Mwemwe antu yakwe. “Mutakezye ukwelekenkanya akana ka mbuzi nanti aka mfwele mwi ziya lyakwe nyina.

Malango 14:3

“Mutakezye ukulya icintu icili consi cino Yawe walanda ukuti icikowele.