Ezekelo 39:9 - Amazwi Yakwe Leza 2013

⁹ Alino aikazi yamu misumba yakwe Izlaeli yalaya yakoce nu kusumbila umu moto ivyanzo, visyangu, ivisolelo, amalapwa, inceto, amasumo ni ntuwa. Yalavyoca apa myaka cinimbali.

Ezekelo 39:9 ပူးပေါင်းရင်းမြစ်များ

Masamu 46:9

Wene akalesya inkondo pano nsi yonsi. Akakontola amalapwa, avunola masumo nu kusumbila visyangu apa moto mpaka ivipya!

Ezaya 66:24

Apa kufuma mu Zioni, yalasyala yailolele yonga ivyala vya antu yano yantalamila. Ingonyo zino zilayalya zitalatala zifwe foo, nu moto usyazimiwa. Antu yonsi apakuyalolekesya yalazunguka.”

Ezekelo 39:10

Yalata ukutiya inkwi umu mpanga nu kuta ukutema imiti umu mitengo pamulandu wakuti yalapemba ivyanzo. Yalapokolola ivyuma kuli yano yayapasile, na kuli yano yayapokololwile ivyuma vyao.” Ivyalanda Yawe Simwandalali.

Ezekelo 39:8

“Icintu cico cilafikiliziwa! Nu kucitika cilacitika,” ivyalanda ne Yawe Simwandalali. “Uo ali wanda uno nasowile.

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Malaki 1:5

Mwemwe, mwe ina Izlaeli mulailolela na manso inu ntontonto. Alino mulavwanga muti, “Endi, ukulu wakwe Yawe wafika ukupuzya nu mu mipaka ya mpanga ya Izlaeli kwene!”

Yoswa 11:6

Yawe anena Yoswa ati, “Utayoopa, pamulandu wakuti mutondo pa nsita ndi ikwene indayapeela yonsi pyu mu makasa ya ina Izlaeli, ala afwe. Ulinzile kutembola imfwalasi zyao nu koca amaceleta yao.”