Ezekelo 39:3 - Amazwi Yakwe Leza 2013

³ Nga alino lyene ndakontola ulapwa uno ulemile ukwikasa limani nu kuleka ukuti inceto zipone pansi zino ufumbite ukwikasa lyakwe ndilo.

Ezekelo 39:3 ပူးပေါင်းရင်းမြစ်များ

Masamu 46:10

Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”

Masamu 46:9

Wene akalesya inkondo pano nsi yonsi. Akakontola amalapwa, avunola masumo nu kusumbila visyangu apa moto mpaka ivipya!

Masamu 76:3

Kuku kwene akuno wakontozile inceto zya anisi yakwe, ivisyangu nga na malupanga, ni vyanzo vyuze ivyasyala.

Masamu 76:4

Iye Mwene vino wemo ukusokolola ucindami wako ukulu, nu usambazi wako, apakufuma ku mwamba ku kucimvya anisi yako!

Ezekelo 30:21

“We mwana wa muntu, nemo natimvuna ikasa lyakwe Falao umwene waku Eguputo. Lyene lisi lipombelezye ni cisalu kuti lipoziwe nanti ukunyepelelwa umuti kuti likome apakuti lileme ulupanga.

Ezekelo 39:2

Ndakuzingulusya, ndakutungulula, ndakutumbezya ukufuma uku katutu ukutali. Ndakuleta uku kulwisya imyamba yakwe Izlaeli.

Oseya 1:5

Mu wanda ulya ndonona ulamba wa vita vya Izlaeli mu Cifoloma ca Yezileele.”

Amosi 2:15

Umuntu wa malapwa ni nceto atalazyansya. Ivita vyao ivikasimula pa musili navyo kwene vitaluutuka, nga ni vya pa mfwalasi vitalaituula.