Ezekelo 39:2 - Amazwi Yakwe Leza 2013

² Ndakuzingulusya, ndakutungulula, ndakutumbezya ukufuma uku katutu ukutali. Ndakuleta uku kulwisya imyamba yakwe Izlaeli.

Ezekelo 39:2 ပူးပေါင်းရင်းမြစ်များ

Masamu 40:14

Leka yao akulonda uku nkoma yazewane, ni nsonyi ziyaleme! Leka yao akuzanga apamulandu wa macuzi yane, yaswilile mwenemo ale yati yaponya ni nsuka.

Masamu 68:2

Ndi vino icunsi cikasansantika, avino nayo kwene kayasansantike. Vivi kwene vino ipula likasunguluka uku moto, avino na antu aipe kwene kayapongelele, yafume apa cinso cakwe Leza.

Ezaya 37:29

Icaleka pano wemo wansokela, nu kuyuvwila nayuvwila nenga, kuno icilumba cako caticikutwala, ali cino nani namatala nkupezye. Namakutunga umu mpuno nu mukanwa, alino nkakupisye nu umu nzila kwene ino wemo wizile mwenemo, nkuwezezye nakuno wafumile.”

Ezekelo 32:30

“Intunguluzi zyonsi zyaku katutu nazyo zili kuku, zili pamwi na ina Sidoni yonsi. Apa mpiti ali yano yoofyanga antu pamulandu na maka yao, lelo apilelo yiza ni nsonyi kuno ku mpanga ya afwe, pamwi na antu afwilile mu nkondo, nu ukuzikwa ali kuno yazikwa ukwaula kusilamulwa. Yalingana sile kuzewana pamwi na antu yano yiza ku mpanga ya afwe.

Ezekelo 38:15

Ala, ulakatuka uku cifulo cako icayela ukutali uku katutu, we mweneco kwene pamwi ni mitundu iingi iyayela kunuli. Mulapita mwensi apa mfwalasi, iumba ilikalamba ilya vita ivitanga pendwa.

Ezekelo 39:1

Fwandi we mwana wa muntu, sesemela Gogi uti, Yawe Simwandalali wa vwanga wati, “Namakwalukila we Gogi, we ntunguluzi yaku Mesyeki na Tubali.

Ezekelo 39:3

Nga alino lyene ndakontola ulapwa uno ulemile ukwikasa limani nu kuleka ukuti inceto zipone pansi zino ufumbite ukwikasa lyakwe ndilo.

Danieli 11:40

“Lino insita yakusyalikizya ya mwene waku Silya ilafika, umwene waku Eguputo alamuzanza, nga umwene waku Silya nawe alaipokolola ku maka yakwe yonsi, ale akuomvya amaceleta, imfwalasi, nga ni vimawato ivivule. Wene alazanza impanga izivule, nu kusalalamo ungati a mulamba wa mukuku.