Ezekelo 38:9 - Amazwi Yakwe Leza 2013

⁹ Alino lyene ulakatuka nu kwiza wa cipunga. Ulavimbilikizya impanga wi kumbi, wewe kwene, ivita vyako vyonsi ni mitundu iingi pamwi nawe.

Ezekelo 38:9 ပူးပေါင်းရင်းမြစ်များ

Ezaya 25:4

Pano akuli wewe ali kuno apina yakautukila, apali ponga na antu yano yatakweti kaazwa wao. Akuli wewe ali kuno yakazina umu nsita zya ntazi. Yene yakauwa kunuli imvula ya cipunga. Wewe uli cisao cino yakauwa mwenemo icipuki ca kasanya. Antu yaluzazwe yakoline wa cipunga icikutensya ulung'umba.

Ezaya 28:2

Yawe alipo na umwi wiyo wamaka wino amatuma ku kuyazanza. Amaiza kunoyali wa mvula ya mawe, wa mvula ya cipunga nupya yakwe mulamba uwatauwa nu kwiza unzya impanga.

Ezaya 5:28

Inceto zyao pasi pakusongola. Yene yatiyazumba na malapwa yao. Inkamba zya mfwalasi zyao zyakoma wi we. Alino imipeto ya maceleta yao ikuzinguluka wakwe nkungulupya.

Yelemiya 4:13

Lolini! Umwanisi akwiza wa makumbi. Amaceleta yakwe ankondo yakwiza wakwe nkungulupya. Imfwalasi zyakwe zilusile yacipungu uku lwilo. Kalanda kunotuli! Twatitononwa!

Ezekelo 13:11

Nena yakatakasa yao ukuti, kuliza imvula ikalamba, imvula yamawe akulu, kulakatuka ni cipunga ca muza ukulu.

Ezekelo 30:18

Imfinzi ilandatila Taapanesi, lilyo lino ndavuna amaka yakwe Eguputo kuku kwene. Lyene ni cilumba cakwe cilamuputuka. Amakumbi yalamuvimba, nga ni mizi yakwe ilasendwa ku uzya.

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Danieli 11:40

“Lino insita yakusyalikizya ya mwene waku Silya ilafika, umwene waku Eguputo alamuzanza, nga umwene waku Silya nawe alaipokolola ku maka yakwe yonsi, ale akuomvya amaceleta, imfwalasi, nga ni vimawato ivivule. Wene alazanza impanga izivule, nu kusalalamo ungati a mulamba wa mukuku.

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Umbwilo 20:9

Yene yapita konsi mu nsi nu kuzinguluka insakwe ya antu yakwe Leza nu musumba uno wene watemwa. Lelo umoto wafumile kwiyulu, uyaponela nu kuyonona.