Ezekelo 38:8 - Amazwi Yakwe Leza 2013

⁸ Ndi papita amanda aingi, kulaya insita imwi ino ndakupeela isunde lya kuzanza impanga imwi, muno antu yaikalila uku matwi cele ukwaula inkondo, ukutandikila sile pano antu yakolonganile ukufuma umu mitundu yuze iingi, nu kwiza muno myamba yamu Izlaeli, ino yasiile amapooli apa nsita ntali.

Ezekelo 38:8 ပူးပေါင်းရင်းမြစ်များ

Utandiko 49:1

Yakobo atuma umwi kuti aame ana yakwe onsi, nga lino yiiza ayanena ati, “Palamilini kunondi muleke munene vino cilamucitikila mu manda akwiza:”

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Ezaya 24:22

Leza amatitikanya pamwi, yamwene yonsi amu ciwina icili conga kwene, ungati anyepwe. Amayayalila umu ng'anda yaminyololo, ukufika na pa nsita ino yalayalolwela penepo.

Ezaya 29:6

Uliukila sile icilulumo camaka, ni cilundumusi, ni congo cikalamba, ivilafuma kuli Yawe Wamaka yonsi apakwiza ku kukupususya. Alatuma ni cimuza, na nkungulupya nga ni cimbilimbili ca moto ca koca ivintu coceoce.

Ezaya 8:9

Ali cino fwandi mucimanye mwe mitundu ndi vino yalamusyunola. Muvwikisye mwe mitundu yakutali. Swapilini ivyanzo vinu! Lelo kwene ale mwatimucimanya!

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Yelemiya 32:5

Nupya alasenda Zedekiya ku Babiloni, ali kuno alasyala mpaka nkize nkamupempule, ivyalanda Yawe. Ndi cakuti mwalwisya aina Babiloni, pasi cino mulatumbula.

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Yelemiya 48:47

Lelo kwene umu manda aliza ndawezezya Moabu isyuko lino wakweti,” Ivyalanda ne Yawe. Paa, apapelela upinguzi pa ina Moabu.

Yelemiya 49:39

Lelo ukuya kwene, amanda yaliza lino ndawezezya Elamu isyuko,” Ivyalanda ne Yawe.

Nyimbo zya ndosya 4:22

Zioni watalipila api iifyo lyakwe. Yawe atalatwalilila ukututa tuye mu uzya. Lelo we Edomu, Yawe alakuvunuka. Wene alasokolola apaswe ni vyaukakasi wako.

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”

Ezekelo 34:13

Ndazifumya mu mpanga zya mitundu yonsi. Ndazikolonganika, nkaziwezezye nu mu mpanga yakwezyo. Ndazicemela mu myamba yamu Izlaeli, ku tunguzi twa manzi, nu mu mpanga zyonsi umwikala antu.

Ezekelo 38:14

Icaleka fwandi, we mwana wa muntu, sesemela Gogi, umunene ukuti, Yawe Simwandalali wati, “Mu wanda ulya, lino antu yane yalikala mutende, uzye kwene umu cumi, utalapanga ukukatuka?

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Ezekelo 39:26

Yalaya insonyi zyao na ucisanguka onsi uno yancitile lino yatenzi ku matwi cele mu mpanga yao umutali uwa kuyoofya.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Mpendwa 24:14

“Fwandi ndakai naswilila ku antu yane. Lelo tale ndanga intale nkusopesye vino umutundu uu uli nu kucitila antu yako mu manda ali nu kwiza.”

Malango 4:30

Lino mulaya mu ucuzi nga na lino ivintu vii vyonsi vilamucitikila, lyene ali lino mulaseleukila kuli Yawe Leza winu nu kumuyela.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.