Ezekelo 38:5 - Amazwi Yakwe Leza 2013

⁵ Ivita vyaku Pesya, nu ku Kusyi nu ku Puti, vili pamwi na alio. Yonsi kwene yakweti visyangu ni vimpompo vya nkondo.

Ezekelo 38:5 ပူးပေါင်းရင်းမြစ်များ

Utandiko 10:6

Ana yakwe Hamu aonsi a Kusyi, Eguputo, Puti na Kenani.

Utandiko 10:8

Kusyi wali isi wakwe Nimulodi. Nimulodi wizile aya impola ya monsi ino insi itatazile ilole ku vita.

1 Milandu 1:8

Ana aonsi yakwe Hamu a Kusyi, Eguputo, Puti, na Kenani.

2 Milandu 36:20

Ali pakusenda yao asile impondo ayatwala uku Babiloni kuko kuno yaile yamuombela nga yaombela na ana yakwe kwene mpaka nu kukwiza kwa wene waku Pesya.

Ezila 1:1

Umu mwaka wakutandikilapo uwa kuteeka kwakwe Kilusi umwene waku Pesya, izwi lyakwe Yawe lyafikiliziwe lino kasema Yelemiya wavwanzile. Lyene Yawe aleka Kilusi mwene waku Pesya akuntikilwa pakuti anguma imbila mu mpanga yakwe yonsi nu kulemba yakalata umwali amazwi akuti,

Ezekelo 27:10

“Aina Pesya, aina Lidya, na ina Puti, yingilanga mu maumba yako aulwi nu kuya ivita vyako.

Ezekelo 30:4

Ulupanga lulizila Eguputo, intete zikulu zilalema aina Kusyi, alasyala impondo yalapona mu Eguputo, lino yalasenda ivyuma vyaya mwenemo nu konona imifula ino wakulilwapo.’

Ezekelo 30:5

Mu nkondo iyo mulafwamo ivita vyaku Kusyi, na aku Lidya na aku Libya, na aku Alabya, na aku Kubu, nga mulafwamo na antu yane kwene.”

Danieli 8:20

“Suuku wino waweni akweti impembe ziili calola ku mawene yaili, uwene wa Medya nu wa Pesya.

Naumi 3:9

Umusumba wa Teebesi uwateekanga Kusyi na Eguputo. Amaka yakweo yatakweti umupaka, awe. Aina Puti na ina Libya ali yano yali yacuza yakweo.