Ezekelo 32:7 - Amazwi Yakwe Leza 2013

⁷ Lino ndakonona, ndavimba ulwelele nu kusisya intanda. Ilanzi ndalivimba ikumbi, nga umwezi nao utalawala.

Ezekelo 32:7 ပူးပေါင်းရင်းမြစ်များ

Yobo 9:7

Leza angapeela ilamulo kwi lanzi kuti litatunka, nu kuvimba apa ntanda kuti zitawala.

Mapinda 13:9

Antu aololoke yakoline wa luswepo ulukayengesa wakwe cimwi, lelo antu aipe yali wa nyali zino zikazimantukila.

Kasambilizya 12:2

Mu nsita ya ukote wako alino uluswepo lwi lanzi, lwa mwezi nu lwa ntanda lulakuzimila. Nupya amakumbi ya mvula yatalata ukufisya foo.

Ezaya 13:10

Pano intanda zya mwiyulu kumwi nu tuungwe utwaya mwenemo vitalawala. Ilanzi lilazima nu kutunka foo, umwezi nao utalawala.

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

Ezekelo 30:18

Imfinzi ilandatila Taapanesi, lilyo lino ndavuna amaka yakwe Eguputo kuku kwene. Lyene ni cilumba cakwe cilamuputuka. Amakumbi yalamuvimba, nga ni mizi yakwe ilasendwa ku uzya.

Ezekelo 30:3

Pano uwanda watiupalama, uwanda wakwe Yawe watiupalama. Ulaya uwanda wa cifutika, uwanda wakupezya imitundu.

Ezekelo 31:15

Yawe Simwandalali akuti, “Pa wanda uno umukelide ulya ulalambalikwa mwi lindi, ndaleka amanzi apa nsi ya musili yauvimbilikizye, apakuya icimanyililo ca ku ulosya. Nene nacilikile utunguzi twakweo, nu kulesya amanzi yakweo avule. Nemo naponyizye ulanda pali Lebanoni pamulandu wa cimuti cico, nga ni miti yonsi yamu mutengo iyuma.

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Yowelo 2:10

Insi ya pansi ikuzakaza na mayulu yakusunkana lino yene yakupalama. Ilanzi nu mwezi vikafita iviya wa mfinzi. Alino ni ntanda izita ukuwala.

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Yowelo 3:15

Ilanzi nu mwezi vilaya wa mfinzi, ni ntanda nazyo zilata ukuwala.

Amosi 8:9

Yawe Simwandalali wavwanga wati, “Mu wanda ulya, apa nsita ya musanya umutwe pakasi, ndalenga kuti ilanzi liwe nu kuponya imfinzi apa mpanga ya pansi umu kasanya.

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Mako 13:24

“Mu manda yalya pacisila ca ucuzi ilanzi lilafita, umwezi utalawala,

Luka 21:25

“Kulaya vilangililo vyakuzunguka pi lanzi, mwezi, ni ntanda. Muno nsi, antu amu nko zyonsi yaloofiwa nu kupelelwa pamulandu wakukatuka kwa maimbi nga nu kululuma kwakwe yemba.

Umbwilo 8:12

Alino mungeli walenga yani alizya ntandala yakwe. Ciputulwa conga ca mu viputulwa vitatu vi lanzi, mwezi ni ntanda vyumwa, cakuti vyene viponzya ciputulwa conga mu viputulwa vitatu vya kuwala kwakwevyo. Lyene kutali luswepo mu ciputulwa conga ca viputulwa vitatu vya musanya nu usiku.