Ezekelo 32:4 - Amazwi Yakwe Leza 2013

⁴ Ndakutama pansi nu kukuvwintila mu calo. Ndaleka ivyunyi vyonsi vya mulwelele ni nyama zya mpanga kuti vikulye.

Ezekelo 32:4 ပူးပေါင်းရင်းမြစ်များ

Masamu 63:10

Yalakomwa uku lupanga, ni mimbulu ilalya ivyala vyao.

Masamu 74:14

Awewe kwene wasyunozile ni mitwe ya cilyanyi, ci Leviatani nu kupeela ivinyama vyamu lwanga kuti vicilye.

Ezaya 14:19

Lelo wemo yakusumbila ukunzi yi lindi, ungati wewe vikona vya muselu. Yatiyakukupilizya uku vyala vya vita, vino yakomile umu nkondo, nu kukusumbila mu ciwina ca mawe nu kucilyatola.

Ezaya 18:6

Ivyala vya vita vyao vilasyala vilambalile kuti vyunyi ni vinyama vya mpanga vikavilye. Ivyunyi avino vilavilya apa nsita ya cisanya, apa mwela pene ivilyanyi ali vino vilalya.

Ezaya 66:24

Apa kufuma mu Zioni, yalasyala yailolele yonga ivyala vya antu yano yantalamila. Ingonyo zino zilayalya zitalatala zifwe foo, nu moto usyazimiwa. Antu yonsi apakuyalolekesya yalazunguka.”

Yelemiya 25:33

Uwanda ulya yano yalakomwa kuli Yawe yalasalangana ntangali ntangali ukufuma ku mpela ya mpanga ukufika nu ku mpanga yuze. Na kaloosya aluulila kumwi. Kusi alayakonganika nanti ukuyaziika. Yalasyala yatambalile pa musili.

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Ezekelo 29:5

Nkukuvwintila mu lwanga pamwi ni nswi zyamuli Nailo wako. Ulaponela pansi usalile, yatalakulombola nanti kukuzika. Ndakucita cakulya ca nyama zya mpanga ni vyunyi vyamu lwelele,

Ezekelo 35:8

Ndazuzya imyamba iyayamo, ivyala. Yonsi pyu yalalukuta ku lupanga pa twamba twako, mu nyika zyako nga nu mu mikonko yako kwene.

Yowelo 3:19

“Lelo Eguputo alasyala wa citotela. Edomu nawe alasyala wa lwanga, pamulandu wa nkondo ino yaponyizye apa antu aku Yuda nga na pamulandu wa kuzwisya uwazi uwakaele umu mpanga yao.