Ezekelo 3:3 - Amazwi Yakwe Leza 2013

³ Nupya anena nukuti, “We mwana wa muntu, lya kalata wii uwikute.” Nani ali pa kumulya, auvwika nu kulyompa kwati uuci.

Ezekelo 3:3 ပူးပေါင်းရင်းမြစ်များ

Yobo 23:12

Nemo lyonsi nkawaka amasunde yakwe yano akanena. Vino akalonda ali vino nkacita. Asi vino nemweneco njitemilwe.

Masamu 119:103

Iye mwe vino amasambilizyo yako yalyompa, yene yalyompa ukuluta uci mu mulomo wane!

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 119:97

Iye mwe, silola vino natemwa amasunde yako wakwe cimwi! Nkayelenganya uwanda onsi.

Masamu 19:10

Nupya ivyakukumbwa ukuluta na pali zaabu, nanti a zaabu kwene umuzipisye. Amazwi yakwe yalyompa ukuluta nu uci, ukuluta nu luto ulukatona kuli kanacisenga.

Masamu 19:11

Ali muno ne muomvi wako inkapula amano nu kuyawaka. Umu kuyalondela ali muno ndapokelela ni cilambu icikalamba.

Yelemiya 15:16

Wemo wavwanzile kunondi nga nani intezya amazwi yako yonsi. Nene wakwako, we Yawe Leza Wamaka yonsi, na mazwi yako ali luzango ni nsansa zyane.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Ezekelo 2:10

Nawe amupombolola apa manso yane, nga ndola ukuti iyalemba mbali zyonsi ziili. Palemvilwe ukuti ukulosya, ukuteta, nu kulilizika.

Ezekelo 2:8

“Lelo wemo, we mwana wa muntu uvwa vino nkukunena. Utezya uye mutalami wa luko lulu lutalame. Asamula akanwa, ulye cino namakupeela.”

Ezekelo 3:4

Alino Leza anena ati, “We mwana wa muntu, pitanga lyene ukanene aina Izlaeli, ukayanene vyonsi vino nemo nkukunena.

Yoane 7:38

Ndi vino malembelo yakati, ‘Wino wensi akuntaila mu mwenzo wakwe mulafuma inguzi zya manzi yano akapeela umi.’”

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.