Ezekelo 3:20 - Amazwi Yakwe Leza 2013

²⁰ “Umuntu umwi umusuma ndi watandika ukucita vimwi iviipe, alino nani namuteya iciteyo, ala nawe kwene alafwa ndi cakuti wemo utamucelwile kweneko. Umuntu wiyo alafwila pa uyi wakwe, nani ntaliusya ni visuma vino wene wacisile, lelo wemo ulakumpwilapo umulandu pa mfwa yakwe.

Ezekelo 3:20 ပူးပေါင်းရင်းမြစ်များ

2 Milandu 24:2

Lyene Yoasyi wacitanga ivyawololoke pa manso yakwe Yawe amanda yonsi ya umi wakwe simapepo Yeoyada.

2 Milandu 25:15

Ukali wakwe Yawe iukatukila Amaziya, nga amutumila kasema ku kumunena ati, “Uzye apacani cino ukuuzya kuli tuleza twa antu yaa, ututangatuula antu yatuko mu maka yako?”

Masamu 119:165

Antu yano yatemwa amasunde yako yakwata umutende ufumaluke, nupya kutaya nanti cimwi icingayaponya.

Masamu 125:5

Lelo antu yano yakalondela inzila izipe, Yawe alayavunuka kumwi na yakaifya. Mutende uye kunuli we Izlaeli!

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

Mapinda 25:12

Umuntu wamano ndi wanenola umuntu, uiteyanye ukuvwa, pano amasizo yakwe yaluta amaelena yakwe zaabu, nanti iciyembelo cakwe zaabu musuma sana.

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Ezaya 8:14

Apamulandu nu kucindama kwane ukwa cipezya amano, nemo naya wi we lino antu yakapumika kweneko. Naya wa lukose luno antu yakalemya mwenemo, yayo atekwa umu Yuda nu mu Yelusalemu. Icikalemwako nu ku ina Yelusalemu kwene.

Yelemiya 34:16

Nupya mwasenuka, mwasuula ni zina lyane, apakuwezya cila muntu umuzya wakwe, umwanaci nu monsi yano mwatazile mwapeela untungwa nu kuleka yaikalile. Mwayapatikizya ukuya azya nupya.”

Yelemiya 6:21

Caleka Yawe wavwanga wati, “Indika inkolelo ya antu yaa icakuipuma kweneko. Nayo yalaipuma kweneko suka yace yalowelele pyu. Yaisi alino na ana yao aonsi, nga na inipamba kumwi na yacuza yao kwene.”

Ezekelo 14:3

“We mwana wa muntu, antu yaa yatiyika imyenzo yao ku tuluwi twao, nu kwika amanso yao pa vintu vyuze vyakupumika kweneko. Uzye yene yakwelenganya ukuti nemo ndayaasuka lino yanguzya?

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

Ezekelo 18:26

Umuntu musuma ndi wata ukuzifya watandika nu kucita iviipe alino nu kufwa wafwa, ala wene wafwila pa maifyo yakwe.

Ezekelo 3:18

Nemo ndi napingwila umuntu mwipe umwi ukufwa, nawe wakana ukumusokako kuti ate imicitile yakwe iipe, alole nu kwikala umu umi, ala umuntu wiyo umwipe alafwa pamulandu wa uyi wakwe. Lelo kwene nawe kwene ulakumpwilapo umulandu pa lwa mfwa yakwe.

Ezekelo 33:18

Umuntu musuma nga wata ukuzifya, watandika nu kwifya, ala alafwila umu uyi.

Ezekelo 33:6

Lelo kalinda ndi walola anisi kuno yakwiza, wakana nu kulizya intandala ya kuceula antu, lyene anisi yangiza yayapumikizye, nu kuyakoma. Lelo kwene a kalinda ali wino ningapela umulandu apa mfwa yao.

Ezekelo 7:19

Zaabu wao ni mpiya zyao yalavisumba mu miseo yamu musumba kwati ivyausali, pano impiya na zaabu vitangalola ukuyatuula pa nsita ino Yawe Leza ali ni cipyu. Vitangalola umusango wakuyatuusizyamo ku nzala. Vingalesya nu kuikusya, pano zaabu ni mpiya ali vintu vino vyayalenganga ukwifya.

Danieli 9:18

Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Aina Levi 19:17

“Utaya na kaikila ku muntu umwi mu mwenzo. Lelo utiifya pamulandu wa muntu wiyo.

Zefaniya 1:6

Ndonona yayo amfutatila yano yata ukundondela, nupya yasiiza kunondi nanti ukunguzya kuti njatungulule.

Mateo 18:15

“Munyonko ndi wakwifya, yanga kunoli umulange kuluvyanya kwakwe lino muli sile mweili. Ndi wakuuvwa, lyene ale mwawikizyanya wa ina.

Luka 2:34

Lyene Simeoni ayapolelela anena Maliya nyina wa mwana ati, “Lola umwana wii waikwa na Leza kuti aye cakuponya nu kukatusya aingi mu Izlaeli, nupya kuti aye wa cilangililo kufuma kuli Leza cino aingi yalakana.

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Loma 11:9

Na Davidi wavwanga ati, “Lekini vimulo vyao viye ulukose lwakuyateya pakuti yapone nga yavunukwe.

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

Malango 13:3

mutakezye ukusumbako amano kunoli. Yawe Leza winu akuomvya kasema wiyo kuti aezye mwemwe, pakuti alole ndi cakuti mwamutemwa ni myenzo inu yonsi nga nu umi winu onsi.

Ayebulai 10:38

Lelo antu yane, aololoke, yalaya nu umi pa utailo wao. Lelo ndi umwi uvwa intete wamfutatila, nemo ntalazangila muli aliwe.”

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.