Ezekelo 3:14 - Amazwi Yakwe Leza 2013

¹⁴ Fwandi Umupasi wakwe Leza iunkatusya nu kunsenda, ala umwenzo wane ukunyongotoka wakwe cimwi, nupya nasosile na Yawe ala watampoka amaka.

Ezekelo 3:14 ပူးပေါင်းရင်းမြစ်များ

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

1 Yamwene 18:46

Amaka yakwe Yawe yali na Eliya. Eliya anyepa ivyakuzwala vyakwe mu musana. Afuma akusimula nzila yonsi apa nkolelo yakwe Aabu, suka sile nu mumbali ya musumba wa Yezileele.

2 Yamwene 2:16

Alino yavwanga yati, “Lola, swe aomvi yako tukweti antu amakumi yasano, aonsi yamaka sana. Leka tufume tukulonda ukuli Eliya umusambazi wako, pano limwi Umupasi wakwe Yawe watiumutwala kumwi kuno ungaya ukamusye papela ya mwamba umwi nanti mu cifoloma cimwi.” Elisya nawe aasuka ati, “Awe mutaya kweneko.”

2 Yamwene 3:15

Lelo usi mulandu, ndetelini kiimba wa nyimbo wenga.” Lino kiimba wa nyimbo akwiimba, alino umupasi wakwe Yawe iwikila pali Elisya, nga nawe atandika nu kusema.

Ezaya 8:11

Alino nupya Yawe wanenyile apa maka, ansopa ukuti ntalondelela inzila zya antu yaa, ati,

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Ezekelo 1:3

izwi lyakwe Yawe lyafikile Ezekelo, umwana wakwe Buzi, mu mpanga ya ina Babiloni, pa nkumba ya Luzi Kebali. Kuku kwene ali kuno nuvwile amaka yakwe Yawe yiza kunondi.

Ezekelo 11:1

Nupya mupasi wankatwisye nu kuntwala ku mpongolo ya Ng'anda ikulu yakwe Leza iyalozizye umulyango uku ufumondaka. Papa kwene apa mpongolo apali aonsi ukulingana ni mpendwa ya makumi yaili na yasano. Pali alio apali na Yazaniya umwana wakwe Azuli na Pelatiya umwana wakwe Benaya, intunguluzi zya yantu.

Ezekelo 3:12

Mupasi ali pakunkatusya, na pacisila cane nuvwa impooma zya nkuta zikalamba wakwe cimwi ala zikuti, “Lumbanyini Yawe mucindami uwaya umwiyulu!”

Ezekelo 37:1

Nemo ne Ezekelo nuvwile amaka yakwe Yawe yanjizila, nu mupasi wakwe ali pakunsenda antwala nu mucifoloma umwazile amafupa ya antu.

Ezekelo 40:1

Umu mwaka walenga makumi yaili na isano ya uzya witu, cali apakutandika kwa mwaka, pa wanda walenga ikumi mu mwezi, umu mwaka walenga ikumi na iini pacisila ca kuwa kwa musumba, umu wanda kwene ulya ikasa lyakwe Yawe lyamfyambite nu kuntwala uku Yelusalemu.

Ezekelo 43:5

Umupasi wakwe Leza pali pakunkatusya nu kuntwala mu musolo wa mukasi, nga nu ucindami wakwe Yawe iuzula mu Ng'anda ikulu yakwe Leza.

Ezekelo 8:1

Umu mwaka walenga mutanda, uwanda walenga yasano uwa mwezi walenga mutanda, natenzi ukwane na akalamba ya Ciyuda ala yatenzi pankolelo yakwe nene. Papo kwene indola amaka yakwe Yawe Simwandalali yanjikila.

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Yoane 4:1

Afaliseo yuvwa ukuti Yesu waluta Yoane mukulenga antu aingi kuya alondezi nga nu mukuwatizya. (

Yoane 4:3

Caleka lino Yesu uvwa vino yakulanda, afuma mu Yudeya nga aswilila ku Galile.

Yoane 4:9

Umwanaci uwaku Samaliya amunena ati, “Wemo wewe Muyuda nga nani nene Musamaliya. Uzye lyene ungalenga uli manzi kunondi?” (Pano Ayuda yasyamwela mu ngako zino Asamaliya yakamwelamo.)

Milimo 8:39

Lyene lino wafuma mu manzi, Mupasi wa Mwene usenda Filipo. Mutungwi nawe atamuweni nupya, lelo atwalilila nu lwendo lwakwe, azanga cuze.

Umbwilo 10:10

Lyene ntola kalupapulo kanono kufuma mwi kasa lyakwe, indya nga mu mulomo wane kuvwika kalyompe wa uci. Lelo pacisila lino nakamila, kene kuvwika kalule munda yane.