Ezekelo 26:8 - Amazwi Yakwe Leza 2013

⁸ Antu aikala mu mizi ino yafumamo, iyayela ku mulundu yalafwa ku ulapwa. Anisi yaliza yimbe amacinga monsi monsi yatuntumalike nu musili nu kukwimikila icakuicingilila ku vyanzo vyako.

Ezekelo 26:8 ပူးပေါင်းရင်းမြစ်များ

2 Samueli 20:15

Ivita vyonsi ivyali pamwi na Yoabu ivyuvwa ukuti Syeba ali kweneko. Acino iviza vizinguluka umusumba wa Abeli Beti Maaka. Alino iyakuula iciimbili icifika papeela yi linga, nga iyatandika ukwimba umwisika yi linga kuti yaliponye pansi.

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Yelemiya 52:4

Zedekiya wasangukile umwene Nebukadineza waku Babiloni, cakuti nawe Nebukadineza wizile ni vita vyakwe vyonsi ku kwiza lwisya umusumba wa Yelusalemu. Cali apa wanda walenga ikumi, mu mwezi walenga ikumi mu mwaka walenga ikumi uwa wene wakwe. Yizile yakuula insakwe zyao ukunzi ya musumba, yauzinguluka, yatulika imitumba yiivu iya kulwisizya anisi yao.

Yelemiya 6:6

Vii ivyalanda Yawe Wamaka yonsi ati, “Temini imiti yakwe, mutuntumalike nu musili uku malinga yakwe Yelusalemu. Umusumba uu ulinzile kuvunukwa, pano mwazulamo sile ufi na kanyati katuputupu.

Ezekelo 21:22

Mu minwe yakwe ya kwilunji, ukupendola kwakwe kwafikilizya ukuya ku Yelusalemu nu kwimika vyakuongolwela ilinga, ukupeela isunde lyakukomako antu nu kupunda impooma zya ulwi, pakuti yaike vyakuongolwelako pa mpongolo ni cakutuntumalika ciimbili nga ni cakwimba yamunyama.

Ezekelo 26:6

Antu ya mitundu yuze yalazanza Tuli, yalakoma na antu aikala mu mizi ino yafumamo ino yayela mu milundu. Nga alino aina Tuli yalasininkizya ukuti nene indi Yawe.’ ”

Ezekelo 26:9

Amalinga yako yaliza yayaongolole, ni mpungu zyako yaliza yaziongolole uku ncinde.

Habakuku 1:10

Yene yakasausya yamwene nu kuzewanya intunguluzi. Kusi ilinga lili lyonsi ilingayalesya, pasi pano yene yakatulika amasenga akukwelelapo; nu kupoka umusumba uo uwi linga.

Luka 19:43

Manda yaliza lino anisi yalakwizila nu kukukulilila ilinga. Yalakuzinguluka nu kukuyalila konsi.