Ezekelo 26:16 - Amazwi Yakwe Leza 2013

¹⁶ Intunguluzi zyonsi zya pali yemba zilatenuka pa vilimba vyakwezyo, zilazuula imingila yakwezyo ni nsalu zyakwezyo zipikulwe. Zilalemwa ni ntete nu kwikala pansi. Zilazakaza ukwaula ukuta, zilasyala na masakamiko pamulandu wako.

Ezekelo 26:16 ပူးပေါင်းရင်းမြစ်များ

Yobo 8:22

Alino yao akupata alayaletela insonyi. Na mang'anda yakwe yakacita ya viipe yalalowa.”

Masamu 109:18

Wazwalanga intipu kwati ilaya, fwandi kazimutipasye wa manzi, zimutepwensule nu mumafupa wa mafuta.

Masamu 109:29

Leka anisi yane yazwale umuzewanya. Nupya insonyi ziyavimbilikizye wa nsalu.

Masamu 132:18

Anisi yakwe ndayafupilizya insonyi, lelo uwene wakwe wene ulaya nu longo wa kuwalula kwa maluwa.”

Masamu 35:26

Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!

Kufuma 15:15

Ndakai intunguluzi zyamu mpanga ya Edomu zyatizisakamikwa. Intunguluzi zyamu mpanga ya Moabu zyatizitandika kuzakaza. Antu yonsi amu mpanga ya Kenani iciyaputula umusana.

Ezaya 3:26

Impongolo zyako zilalila akalanda, nu kutulula impooma. Alino nawe we Zioni, ulikala pansi ale ukungumile.

Ezaya 41:5

Antu ya mpanga ntali yalola vino nemo nacita, ni ntete ziyalema yazakaza nu kuzakaza. Fwandi ali cino yonsi yakongana yiza.

Ezaya 47:1

Yawe wavwanga wati, “We mukazyana atatala wamanya umonsi, we Babiloni, senka apa cilimba cako cawene. Ikala pansi pa luvukutu. We Babiloni ikala pansi, pano antu yatalakwama nupya ukuti wewe mutelepelele nupya umuyembe.

Ezaya 52:2

Kunta ulukungu lwako, katuka we mukulikwa Yelusalemu! Sapula iminyololo mu nsingo yako, we mukazyana mwina Zioni.

Yelemiya 48:39

Iye mwe! Silolini vino Moabu wataononeka! Si uvwini vino akulilila antu yakwe! Si lolini vino wene watapuuka umu kupupana! Moabu wataya icintu cakusoweka, icintu cakoofya kuli yayo yonsi amulizizya.”

Nyimbo zya ndosya 2:10

Aikolo amu Yelusalemu lyene yakwikala sile pansi nu kukungumala. Yakuuivusya ivu ku mitwe nu kuzwala ivisamu. Akazyana amu musumba nayo yakukontamika sile imitwe pansi.

Ezekelo 16:10

Nakuzwika ni nsalu zipikule ni nsapato zya mpapa isuma wakwe cimwi, nga ni citambala iciyembe icakuzwala uku mutwe kumwi ni candaluwa ca mutengo.

Ezekelo 26:21

Ndakusangula cakoofezya, utalayako nupya. Yalakulonda, lelo yatalatala yakuzane. Ivyalanda ne Yawe Simwandalali.”

Ezekelo 28:17

Ukaitakizya mu mwenzo pamulandu wa kuyemba kwako, nu kucindama kwako kwakulenzile kuya wa ciwelewele. Caleka ninkufwanta pansi pa manso yakwe yamwene nga yakambone.

Ezekelo 31:15

Yawe Simwandalali akuti, “Pa wanda uno umukelide ulya ulalambalikwa mwi lindi, ndaleka amanzi apa nsi ya musili yauvimbilikizye, apakuya icimanyililo ca ku ulosya. Nene nacilikile utunguzi twakweo, nu kulesya amanzi yakweo avule. Nemo naponyizye ulanda pali Lebanoni pamulandu wa cimuti cico, nga ni miti yonsi yamu mutengo iyuma.

Ezekelo 32:10

Vino ndacita kunuli vilazungula antu avule. Yamwene yao nayo yalakankamala sile uku ntete pakutezela wewe. Apa wanda wakuwa kwako cila wenga alazakaza uku ntete apakutezela umi wakwe.

Ezekelo 7:27

Umwene alalosya, intunguluzi nayo ilaya nu ulanda ukalamba, na makasa ya antu aikala nsi yalazakaza ku ntete. Ndayalinganya pa miyele yao, ndayapingwila ukulingana ni mipingwile yao. Lyene yalamanya ukuti nene indi Yawe.”

Ezekelo 7:8

Nasya nkuletele icipyu cane nu kuvuzya ukali wane pa kukufulula. Namakupingwila kulingana ni miyele yako nu kukulolwela pa vicitwa vyako vitaiipila.

Danieli 5:6

Alino wene afinya pa manso nupya intete zimulema wakwe cimwi cakuti atandika kuzakaza umu nteo.

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.

Yona 3:6

Lino umwene waku Ninive uvwa ivintu vii, akatuka nu kufuma pa cilimba cakwe ca wene, azula nu mwingila wakwe uwa wene, nga azwala ni cakuzwala cakwe cakulanga ulanda nga aikala nu mulutukumbu.

Hagai 2:22

Indi nu kuwisya yamwene yonsi amitundu ya inamasi yonsi nga nu kulovya maka yao. Indi nu kuzangawalika amaceleta na akakwelapo yonsi. Indi nu kulovya imfwalasi zizi na akakwelapo yonsi yali nu kukomana.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Umbwilo 18:9

Yakateeka amu nsi akumileko ku uzelele nu lwiswa lwakwe yalakuta nu kulilila musumba lino yalola cunsi kufuma ku cimbilimbili ca moto ulayoca.