Ezekelo 24:3 - Amazwi Yakwe Leza 2013

³ Nena yacisanguka ipinda lii lino nayumile ne Yawe uti, ‘Teka umupika pa moto, nga wauteka witilemo na manzi.

Ezekelo 24:3 ပူးပေါင်းရင်းမြစ်များ

2 Yamwene 4:38

Elisya aswilila ku Giligali, nga pa nsita ilya kwali cipowe mu mpanga ilya. Wanda umwi lino Elisya wasambilizyanga iumba limwi lyakwe yakasema, anena umuomvi wakwe ati, “Teka intendo ikulu sana pa moto, kuti welekele yakasema vyakulya.”

Masamu 78:2

Nemo namamunena kuno ivyampiti vyalola, nu kumulondolwela intazi ino vyakwata,

Ezaya 1:2

Yawe wavwanga wati, “Uvwini mwe yulu ni nsi, uvwini vino nkuvwanga! Nalela antu yane nu kuyakuzya. Lelo yatiyansangukila.

Ezaya 29:2

Ale lyene Leza wiza ku konona umusumba wa Alyeli, umulaya impoma nu kulukusya minsozi, alino nu musumba kwene ulasenuka iciimbili cakocelapo impolelwa.

Ezaya 30:1

Yawe walanda wati, “Antu yano yakateeka impanga yakwe Yuda, yalacilola pamulandu wakutalamila ne Leza wao. Yene yakacita vino nemo ntateinye. Nupya yakapangana ni mpanga zyuze, ivipangano vino nemo nsyalonda. Fwandi lyene ali pakucililako ukwifya.

Ezaya 30:9

Apamulandu wakuti antu cila nsita yakatalamila Leza, yakapepa ufi nu kukana uvwa kuli vino Mwene akuyasunda.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Yelemiya 1:13

Nupya kwene Yawe avwanga kunondi ati, “Walola cani nupya?” Nani imwasuka inti, “Nalola intendo ikutopota, navino vili mwenemo viyendekile lwaku kayeya.”

Yelemiya 1:14

Lyene avwanga kunondi ati, “Umupamba wafuma ku kayeya nu kwiza ponela aikazi yonsi muno nsi.

Ezekelo 11:11

Kuno muli umusumba uu, utalaya intendo foo, namwe mutalaya inyama ino yeleka mwenemo. Pasi pano ndamucitila umulungikila muno kwene, mu mpanga yakwe Izlaeli.

Ezekelo 11:3

Yakavwanga iyati, “Uzye insita ya kukula amang'anda, isi umupipi? Umusumba ukupya wa ntendo apa moto, nga naswe tuli wa nyama.

Ezekelo 11:7

Icaleka Yawe Simwandalali wavwanga wati, “Ivyala vino mwasumba umukasi ka musumba ali nyama, umusumba nao ali ntendo, lelo mwemo ndamuzinga mwenemo.

Ezekelo 12:2

“We mwana wa muntu, wemo wikala pakasi ka antu yacisanguka. Yene yakwata amanso akulolelako, lelo yasilola. Yakwata amakutwi akuuvwilako, lelo yasiuvwa, pamulandu wakuti acisanguka.

Ezekelo 12:25

Nene ne Yawe ndalanda, na cino ndavwanga vino indi nu kuvwanga nupya navino ndavwanga vilafikiliziwa kwaula nu kusumba kasita. Nupya umu nsita inu kwene, mwe luko lutalame mwe, ali muno ndavwanga izwi nu kulifikilizya. Ivyalanda ne Yawe Simwandalali.’ ”

Ezekelo 17:12

“Nena uluko luu lwa antu atalame uti, ‘Uzye mutamanyile icintu cii muno cilozile? Yanene uti umwene waku Babiloni wizile ku Yelusalemu, wasenzile umwene waku Yelusalemu pamwi ni nkombe zyakwe, ayatwala nu ku musumba wakwe wa Babiloni.

Ezekelo 17:2

“We mwana wa muntu, umila aina Izlaeli umulumbe uu,

Ezekelo 2:2

Lino akulanda nani, Mupasi wiza wingila munondi nu kunjimika apa ngazo zyane, nga alino nuvwa akulanda kunondi,

Ezekelo 2:3

anena ati, “We mwana wa muntu, nkukutuma ku ina Izlaeli, yacisanguka ansangukila. Yansangukila ukufika na pilelo, alio kwene kumwi ni vikolwe vyao.

Ezekelo 2:5

Yuvwe nanti yakane ukuvwa, uluko lulo lutalami lulamanya ukuti pakasi kao paali kasema.

Ezekelo 2:6

“Nawe we mwana wa muntu, utoopa nga yakunena yati, ‘Imyunga yatikuzinguluka, utenzi na pa makalela.’ Utoopa amazwi yaa, utaya ni ntete ndi yakutunwila amanso, pano uluko lulo lwatalama.

Ezekelo 2:8

“Lelo wemo, we mwana wa muntu uvwa vino nkukunena. Utezya uye mutalami wa luko lulu lutalame. Asamula akanwa, ulye cino namakupeela.”

Ezekelo 20:49

Nga nani ali pakwasuka inti, “Yawe Simwandalali, antu yakalanda kunondi yati, ‘Umuntu wiyo akauma sile imilumbe!’ ”

Ezekelo 24:6

Vii ivyalanda Yawe Simwandalali, “Kalanda ku musumba wa vipondo! Umusumba uli wa mupika wa ngalawa uno utalatala ukuzwe. Yakungula inyama zyonsi, ukwaula ukusyamo nanti yonga.

Ezekelo 3:9

Nkukukomya ukuluta ni iwe, ukuluta na kaliwe kakankala kakwe daimondi akakome wa nkomolo, ala antu yaya utakayoope foo, pano yaya uluko ulutalame.”

Mika 2:4

Mu wanda ulya antu yalamutumfya. Yene yalamusoweka, mu lwimbo luu ulwa ndosya yati, ‘Twatitononwa ukumalilika. Impanga ino Yawe watwankanya, nayo kwene yatiyaipoka! Ivyalo vitu wavyankanya kuli yao atusenzile mu uzya.’

Mako 12:12

Yasimapepo akalamba, yakasambilizya ya Masunde na aikolo yalondanga inzila yakulemelamo Yesu pano yamanyile vino wayasyentekanga mu mulumbe. Lelo yoopa iumba, alino yamusya yapita.

Luka 8:10

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe, pakuti, yangalola lelo yatangailuke nu kuvwa yanguvwa lelo yatangamanya ningo.

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!