Ezekelo 22:6 - Amazwi Yakwe Leza 2013

⁶ Intunguluzi zinu zyonsi mwe ina Izlaeli zikaomvya amaka yakwezyo pa kukoma antu.

Ezekelo 22:6 ပူးပေါင်းရင်းမြစ်များ

Neemiya 9:34

Ivikolwe vitu, yamwene itu, intunguluzi zitu, na yasimapepo itu, yonsi yakanyile kulondela amasunde yako. Yakana ukuwaka amalamulo yako navino wayasokanga.

Mapinda 30:14

Insiki ya antu yano utwinso twakalipa wa lupanga. Antu yayo pasi pa kuzunya alanda nu kuyakomola.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Yelemiya 32:32

apamulandu nu uyi wa ina Izlaeli na ina Yuda uno yansosizye umwenzo, aeneco kwene, yamwene yao, intunguluzi zyao, yasimapepo yao, yakasema yao, nga na antu amu mpanga yakwe Yuda na ikala muzi amu Yelusalemu.

Yelemiya 5:5

Acino namaya ku ntunguluzi kuti nkazilandile. Cumi kwene zyene zimanyile inzila zyakwe Yawe, na vino wene akalonda kuti zyacita.’ ”

Ezekelo 21:12

Pomola impooma, nupya pundisya, we mwana wa muntu, pano ulupanga luu ulwa kusalipila antu yane ni ntunguluzi zyonsi zya ina Izlaeli. Ni ntunguluzi zilafwila pamwi na antu yonsi. Fwandi mwemo tungililini sile amakasa mu nzekete.

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Ezekelo 22:3

Unene umusumba uo vino ne Yawe Simwandalali nkulanda ukuti, Owe vino we musumba wailetelela apa kukoma antu yako avule na pa kuikowezya we mwisikulu ku tuluwi tuno waipangila.

Ezekelo 45:8

Fwandi ali citungu cino intunguluzi ilaateeka ilakwatako nayo mu mpanga ya ina Izlaeli. Ali pakuti itakacuzya antu nupya ali pakuti ikaleke imitundu ya ina Izlaeli nayo ikaikwatile ivitungu mu mpanga.

Danieli 9:8

We Mwene, ala sweswe kumwi na yamwene itu, na yakateeka itu nga ni vikolwe vitu twaipupanya pamulandu wakuti twifya kunuli.

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

Zefaniya 3:4

Yakasema yakwe imbutuma. Yene incenjezi.

Zakaliya 3:3

Yoswa ala aimilile apipi nu mungeli wakwe Yawe, azwite ni nsalu zya vikwi.