Ezekelo 18:7 - Amazwi Yakwe Leza 2013

⁷ Asifyenga umuntu ali wensi, lelo akalipa kamukole apakwazima. Asipoka kantu ku maka, akapeela uwanzala vyakulya nu kuzwika wiyo ali tupu.

Ezekelo 18:7 ပူးပေါင်းရင်းမြစ်များ

Neemiya 5:10

Ala nani kwene pamwi nanji twayazime impiya ni ngano. Fwandi cazipa ukuti tuvisuule? Tusule sile uku nkongole zitu.

Yobo 22:6

Lino anyonko yatacili yakuwezezya impa zino yaazima kunuli, wemo watalanga uyapokolola ivyakuzwala vyao, mpaka iyasyala tupu.

Yobo 24:3

Yasenda yapunda ya ana asyale nu kutoola ing'ombe zyakwe yamukamfwilwa, kuti iye iyakwe kamukole.

Yobo 24:9

“Lyene antu kwene yayo yakasompola ana asyale ukwi yele, nga yapoka na ana ya alanda pakuti yaye wakwe kamukole. Apakuyakulula, suka alanda yayo yatala yalipila impa zyao, zino yayapingwilile.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.

Masamu 112:9

Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.

Masamu 41:1

Walongo umuntu wiyo akasakamala mupina nu mulanda, Yawe nawe alamukulula uwanda wa ntazi.

Kufuma 22:25

“Umwi ndi wakongwesya impiya ku muntu ali wensi uwamu antu yane mupina, atacita wakwe kakongwisya wa mpiya, alonda kuti yamulipe kalowa.

Kufuma 22:26

Ndi watola mwingila wa muntu umwi nu kuucita icintu cakwe kamukole ukuti alakulipila, lyene ulinzile umuswilizizye lino ilanzi litali liwe,

Kufuma 23:9

“Mutacuzya mwinamasi. Mwemo mwamanya vino caya ukuya mwinamasi, pano namwe kwene mwali ainamasi mu Eguputo.

Mapinda 14:31

Ukucuzya umulanda kukalanga sile imisuula kuli wiyo uwa muumvile. Lelo ukucitila umulanda uluse kuli kucindika uwa muumvile.

Mapinda 28:27

Wiyo akapeela ivintu ku apina, atalulilwa akantu, awe. Lelo wiyo alakana ukuyalolekesyapo, antu avule yalamutipa.

Mapinda 28:8

Wiyo akasandulula ivyuma vyakwe umu kuomvya ulufyengo, ulwakulila auze mu vintu vino walonka, alavilonkela umuntu muze, nawe akavipeele nu ku alanda.

Mapinda 3:31

Utacitila uzuwa umuntu wa luzazwe, nupya utakolanya imiyele yakwe,

Ezaya 1:17

Tiini ukwifya. Sumbini amano ku kuzifya. Sumbini amano inu ku kucita ivya ulungi. Mwaazwilizya antu akafyengwa. Mwapingula ningo ana asyale. Mwaazwilizyako yamukamfwilwa.”

Ezaya 33:15

Ala mungapusuka ndi mwatandika ukucita ivyaololoke nu kulanda ivyacumi. Fwandi mutaya nu lwiswa umu kulonka ivyuma ku alanda, nupya mutapokelela amafukakanwa. Mutaezya ukuvwana na yacikoma, nanti yayo akacita iviipe.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Ezekelo 16:49

Sodoma na ana yakwe yayuvwanga pamulandu wakuti yene yakwatisye ivyakulya, nu kwikala ningo, nanti angala yatasakamalanga ukusunga alanda na apuzi.

Ezekelo 18:12

akacuzya mupina nu mulanda, akapokolola vya eneco ku maka, asiwezya vino wazima, akatumpwila amanso ku tuluwi, akacita vyawinyi,

Ezekelo 18:16

asicuzya umuntu nanti wenga, asipoka kamukole, asipokolola vya eneco ku maka, akapeela ali ni nzala icakulya, akazwika yayo ali tupu,

Ezekelo 18:18

Isi wene alafwila pa maifyo yakwe umweneco, pano wali umukakate, wapokololanga vya eneco ku maka, atazifizye mukasi ka antu yakwe.

Ezekelo 33:15

ivili wa kuwezya ivya kulemela umulandu pali vino wakongwile, wawezya navino wivile, amalondela amasunde akatwala uku uumi, wene atalafwa foo, alaya nu umi pee.

Ezekelo 7:23

“Pangini umunyololo lemanini, pano impanga yatizula ukuzwisya uwazi, mu misumba namo muli impanzela zitupu.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Aina Levi 19:13

“Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Aina Levi 19:15

Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.

Aina Levi 25:14

Caleka lino ukukazya icalo ku muzo mwina Izlaeli nanti lino ukukala icalo ku muzo, utacita ucenjezi.

Amosi 2:6

Yawe wavwanga wati, “Pamulandu wakuti antu aku Izlaeli yakutwalilila ukwifya, nemo ntalaposiwa ukuyavunuka. Yene yakakauzya antu aololoke nu lupiya lwakwe siluva, iyakazya na antu apina uku kukauzya ni ndyatu.

Amosi 2:8

Antu yakulala cilalelale na pa ncende yakupepelapo, na pa vizwalo kwene vino yapokolola ku apina vyakwe kamukole. Mu ng'anda yakwe Leza amuno yene yakamwela waini wino yapokolola kuli yasimilandu.

Amosi 3:10

“Yene yatamanya ukucita vyaololoke yayo akazuuzya ivisampwe vino yapokolola mu kwiya.” Avino Yawe wavwanga.

Amosi 6:3

Mwemo musizumila ukuti uwanda uwa kuvunukwa ukwiza, lelo ivicitwa vinu iviipe vikucincizya ukwiza kwa wanda ulya.

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Mika 3:2

mwemuno mwapata ivisuma, mwatemwa iviipe? Antu yane mwayacita kwati mukayafuwa impapa ala yacili apuma, nu kucekola iminyefu yao.

Zefaniya 1:9

Pa wanda kwene ulya indavunuka yayo yonsi akapepa wa inamasi, yayo akaiya, akakoma auze, kuti yazuzye ivisampwe umu ng'anda ya kaluwi kaleza kao.”

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Luka 3:11

Nawe ayanena ati, “Wino wensi ali na malaya yaili, alinzile apeleko wino atakweti. Na wino wensi ali ni cakulya, alinzile ankanye auze.”

Malango 24:17

“Mutaezya kufyengelekezya ainamasi na ana asyale pa nsambu zyao. Nupya mutaezya kutoola cakuzwala cakwe mukamfwilwa kuti ciye kamukole pa nkongole zino amukwatile.