Ezekelo 17:4 - Amazwi Yakwe Leza 2013

⁴ Lyene lyang'anda wiyo atwala ni nsongo zizyo ku mpanga imwi ya aculuzi, nu kuya iika mu musumba umwi wa aculuzi.

Ezekelo 17:4 ပူးပေါင်းရင်းမြစ်များ

2 Yamwene 24:12

Alino lyene umwene Yeoyakini pamwi na nyina, na ana yakwe, ni nkombe zyakwe zya kwisano kwene, iyiza yacimba ku ina Babiloni. Mu mwaka wakwe cinani uwa kuteeka kwa mwene waku Babiloni, umwene Nebukadineza asenda Yeoyakini umu uzya.

Ezaya 43:14

Yawe, Mukuluzi winu, Wamuzilo wilya wakwe Izlaeli, wavwanga wati, “Apamulandu wakumupususya ndatuma impuka ya vita kuti vikalwisye aina Babiloni. Ndawisya imifikilo ya mpongolo, cakuti utupundu tuno amu musumba yakapunda, tulasanguka impooma.

Ezaya 47:15

Fwandi tungati uo ali usuma uno antu yayo yalakucitila, uno ukalolela ukufuma ku wance wako. Yonsi kwene yalakusya, cila muntu alaya kuno akasi, nga kutalaya umwi uwa kukutuula.”

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.

Yelemiya 51:13

Wemuno wikala apa manzi nyanya, wemuno waitulikila ivyuma ivingi, ala impelelekezyo yako yatikufikila, casila waputukilwa.

Ezekelo 17:3

uleke yamanye vino ne Yawe nkuyanena inti, lyang'anda mukalamba, uwa maapa akulu na mavumbu atali. Wene wakweti na mavumbu asuma nupya amaala maala. Lyang'anda'anda wiyo waile ku mwamba wa Lebanoni, aya atimpula insongo pa ntonje ya kamuti kamwi akatalimpisye.

Ezekelo 17:5

Nupya wizile asenda umusonga wa mutingi nu kuya ulema mu musili uvunde umu mbali ya luzi umwali amanzi avule, pakuti uce ukaye ilumba lya muti.

Ezekelo 31:3

Endi, namamukolanya nu mukelide waku Lebanoni, uno ukweti misambo iyembe, iyacisao. Wene utali wakwe cimwi cakuti intonje yakweo ifisile nu mu makumbi.

Umbwilo 18:3

Pano antu amu nko zyonsi yamwa waini wakwe mukali uwa mbunu ya uzelele. Yakateeka amu nsi yacita ulenzyo na aliwe, nga na aculuzi amu nsi yaya akama pamulandu wa lwiswa lwakwe ulutangasila.”