Ezekelo 16:7 - Amazwi Yakwe Leza 2013

⁷ Nawe wakula, wasuka waya sile uwikolo ukulingana ni ciimo cakutwalwa. Wamela maele ni nyele zyako zyakula zyavunda wakwe cimwi, lelo ala usile sile tupu.

Ezekelo 16:7 ပူးပေါင်းရင်းမြစ်များ

Utandiko 22:17

Nalaya ukuti ndakupeela ana avule cuze, nu kuvula kwao kulaya wa ntanda zya mwiyulu, nanti wa musensenga uwamu nkumba yakwe yemba. Ana yako yalacimvya anisi yao.

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Masamu 147:20

Atatala wacita vivyo uku mutundu uli onsi, yene yatamanya amasunde yakwe, awe. Lumbanyini Yawe!

Masamu 148:14

Wene walenga antu yakwe ukuya na maka, apakuti aswepe yakwe yonsi yamulumbanya. Ali ina Izlaeli, yano watemwisya wakwe cimwi! Lumbanyini Yawe!

Kufuma 1:7

Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Kufuma 12:37

Aina Izlaeli yakatuka ulendo ukufuma ku musumba wa Lamesesi ukuya ku musumba wa Sukoti. Aonsi apenzilwe yali manye 600,000, kufumyako anaci na ana.

Kufuma 3:22

Mwanaci wensi mwina Izlaeli alaya ku mwanaci mwinipamba mwina Eguputo, nga nu ku mwanaci wensi akaikala mu ng'anda ya mwinipamba wiyo, nga alenge viyembelo vino vyapangwa na zaabu, siluva, nga yalenge ni vyakuzwala vyakuyembela. Vyonsi vii aina Izlaeli yalaemvezya ana yao aonsi na anaci. Mu nzila kwene ii aina Izlaeli yalapoka icuma ca ina Eguputo.”

Lwimbo lwakwe Solomoni 4:5

Amayele yako yali wakwe yampombo yaili, wakwe tumpundu twa misesi yakwe yampombo utukulya umulemvwe mu maluwa.

Lwimbo lwakwe Solomoni 8:10

Nemo nene ndi liinga, na mayele yane yali wa mpungu zi linga kwene. Umukundwe wane amanyile ukuti tuli nawe nkaikusiwa nu kuzana umutende.

Lwimbo lwakwe Solomoni 8:8

Twakwata kaci witu munono, na mayele yakwe yacili anono. Uzye tulamucitila cani lino lumbwe alalonda kumutwala?

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezaya 62:3

Wemo ulaya wa cingala ca mwene, kuli Yawe.

Ezekelo 16:16

Watolanga ivyakuzwala vyako ivicindame, nu kuipangila utuvuwa umwa kupepelamo tuleza utuluwi, ali muno walongozyanga.

Ezekelo 16:22

Apa kasita konsi kaa kano wikalila nu kucita ucizelele, icumi usitala uwikale pansi nu kwiusya vino waviilwe, na vino walaangananga sile umu wazi wa mbuza, na vino wapitanga tupu umu wance wako.”

Ezekelo 16:6

“Lelo nemo, napitile lwakuno yakusumbile. Nga nuvwa kuno ukupantoka, ukuivumvunya umu wazi wako. Nga nalino ucili uizi mumu kwene, niza nakuvwanzya nati, ‘Samalale, ungala uye nu umi ukakule uye wi sote lya mu mpanga.’

Oseya 2:3

Ndi cakuti atacisile cico, ale lyene ndamuzula, pakuti aikale tupu ndi vino wali lino wavilwe. Ndaleka aye wa lwanga, nupya alaya wa musili uumalale, nga ndamukoma ku lusala.

Milimo 7:17

“Lino insita yapalime iyakuti Leza afikilizye ulayo uno wacisile kuli Abulaamu, impendwa ya antu itu ali mu Eguputo ikulilako cuze.

Malango 1:10

Yawe Leza winu uwalenga kuti muvule wa ntanda umwiyulu.

Malango 1:11

Si Yawe, Leza wa vikolwe vinu, aleke muvulileko amaila izimbi nu kumipolelela wakwe vino walavile!

Malango 4:8

Kusi umutundu uze nanti onga, nanti ungakula uli, uno wakwata amasunde aulungami wakwe yao yano natimusambilizya apilelo.