Ezekelo 16:57 - Amazwi Yakwe Leza 2013

⁵⁷ lino yatacili yakuzule usyale tupu? Fwandi lyene awewe kwene wino yakusoweka ku ana yakwe Edomu anaci, ku anaci yonsi amu mbali zyako nu ku anaci aina Filisti. Ala yakusuula kuli yonsi akuzinguluka.

Ezekelo 16:57 ပူးပေါင်းရင်းမြစ်များ

Masamu 50:21

Ee, avino mukacita. Uzye mukulonda ukuti nani nsule sile? Uzye mukuti nani naya wakwe mwemwe? Ee, mwalola! Ilelo namunenelapo, namutotwela tonsi pyu.

Ezaya 14:28

Umwaka uwafwilile mwenemo umwene Aazi, imbila ino yuvwikike aeyi yakuti,

Ezaya 7:1

Lino Aazi umwana umonsi wakwe Yotamu, umwana umonsi wakwe Uziya, wateesile impanga yaku Yuda, kwakatwike inkondo. Awe mukwai Lezini umwene waku Alamu pamwi na Peka umwana umonsi wakwe Lemaliya, umwene waku Izlaeli, iyaya ku kuzanza umusumba wa Yelusalemu, lelo yaposiwa ukuupoka.

Yelemiya 33:24

“Uzye utuvwile vino antu yakulanda ukuti Yawe watasumba inko zyakwe Yuda ni zyaku Izlaeli zino waisololwelile sile umweneco? Yati yasuula antu yane, yasikuvwika apa mitundu foo!

Nyimbo zya ndosya 4:22

Zioni watalipila api iifyo lyakwe. Yawe atalatwalilila ukututa tuye mu uzya. Lelo we Edomu, Yawe alakuvunuka. Wene alasokolola apaswe ni vyaukakasi wako.

Ezekelo 16:27

Icaleka lyene ninkatusya ikasa lyane apakukufulula. Nincefyako icakulya icakukupeela, natinkusumba umu makasa ya anisi yako, akazyana aina Filisti, yano insonyi zyatiziyalema apamulandu ni mipitile yako iipisye.

Ezekelo 16:56

Uzye asi munyonko Sodoma wino wambanga mwi lyasi lyako mu nsita ya cilumba cako,

Ezekelo 21:24

Caleka ne Yawe Simwandalali nkuti, pamulandu wakuti mwaisinila mwe eneco uyi winu, pakusokolola ucisanguka winu, nu kulanga ukutala kwinu kwa micitile inu yonsi, mulafululwa pano imilandu ii yamusinila.

Ezekelo 22:4

Acino pamulandu wa kukoma antu nupya waikowezya ku tuluwi tuno waipangila. Caleka amanda yatiyakuzana, ni mpela yako yatifika. Acino nani ndaleka antu amu nko zyuze yakusoweke na amu mpanga zyuze nayo yakuseke.

Ezekelo 23:32

Ne Yawe Simwandalali nakunena ukuti, nawe kwene ulamwela mu lwako lwakwe nyokolenzi, mu lwako lukulu nupya luzike. Antu yonsi yalakuseka nu kukuweleketa, pano ivilatapwilwa mwenemo vilazulisya.

Ezekelo 27:16

Aina Edomu yacitanga uculuzi nawe pamulandu wa vintu wingi vino wapanganga. Yakuletelanga utumawe twamutengo twakwe emalodi, ni insalu iziyenzulukile, ni zipikulwe, ni nsalu zisuma, nu tumawe twamutengo twakwe kolali nu twakwe lubi. Avino yakauzyanyanga ni vyuma vyako.

Ezekelo 5:14

Antu yonsi amitundu yakuzinguluka lino yakupita, yalakuwela sile.

Ezekelo 5:15

“Lino nemo ndasoka nu kukufokela ukali ukali apakukufulula, antu amitundu yakuzinguluka yalalemwa ni ntete. Lino yalakulola, yalakusaalula nu kukuwela. Ivyalanda ne Yawe.

Oseya 2:10

Caleka ndakai namamusya tupu pa manso ya akambwe yakwe. Kusi umuntu nanti wenga alamufumya mu makasa yane.

Oseya 7:1

Lilyo lyonsi lino nkulonda kuwezya antu yane apasuma, lino nkasi kupeela aina Izlaeli ulongo, amaifyo yao yakaloleka apaswe. Imilimo iipe ya antu aku Samaliya ikasokololwa. Yene yakacita vyaucenjezi, yakatama amang'anda ya antu nu kwiya, yakazanza nu kuyiila antu umu miseo.

Zefaniya 3:19

Pa nsita ilya ndavunuka yonsi akamuzunya. Ndatuula yayo alemale nu kukonganika yayo asalangana. Ndaleka antu yayatasye nu kuyacindamika, konsi kuno anisi yao yayasausya.

Mpendwa 23:7

Balamu wasema usemo wakwe uwakuti, “Balaki umwene waku Moabu wamfumizye ku Alamu, ku myamba yaku ufumondaka. Wavwanzile ati, ‘Iza untipwilile Yakobo.’ ‘Iza uvwange amazwi ya misindicila ku ina Izlaeli.’

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.