Ezekelo 16:54 - Amazwi Yakwe Leza 2013

⁵⁴ Ali pakuti ukatekezye imyenzo pakuvwa umuzewanya wako na pakulemwa ni nsonyi.

Ezekelo 16:54 ပူးပေါင်းရင်းမြစ်များ

Yelemiya 2:26

Yawe wavwanga wati, “Vino umwivi akauvwa insonyi, ali vino ang'anda yakwe Izlaeli yalalemwa ni nsonyi. Ukutandikila sile kuli alio kwene, yamwene yao, inkombe zyao, yasimapepo yao kumwi na yakasema yao.

Ezekelo 16:52

Fwandi wemo ufwile uuvwa insonyi. Pasi pano ivicitwa vyako iviipe vyaipisyapo ukuluta iviipe vyakwe yakaci yako, cakuti yene yaloleka penepo akaele. Icaleka wemo insonyi kazikuleme nu kuzewana ku zewane. Pano awewe we mweneco walenga ukuti yakaci yauzo yalolekepo asuma.”

Ezekelo 16:53

Nalyuze Yawe wanenyile Yelusalemu ati, “Nemo ndalenga ukuti Sodoma ace asyuke pamwi na ana yakwe, na Samaliya nawe kwene akasyuke nupya, pamwi na antu. Icacumi, nawe kwene we Yelusalemu ndalenga ukuti ukasyuke nalyuze.

Ezekelo 16:55

Umunyonko Sodoma na ana yakwe yakaci yalavunukwa nalyuze umwi syuko lyako ilyampiti. Samaliya na ana yakwe yakaci yalaswilila nupya kwene kwi syuko lyako lyampiti. Nawe kwene na ana yako yakaci mulapelwa nupya isyuko lilyo ilyampiti.

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Ezekelo 32:24

“Elamu ali kuku kwene, pamwi na malindi ya vita vyakwe vyonsi ala yamuzingulwike monsi. Yonsi kwene yakomilwe mu nkondo, nga yonsi kwene yazisilwe ukwaula kusilamulwa, yaya ku mpanga ya afwe. Lino yali nu umi yaponyizye ingofyo, lelo ndakai yatiyapupana nupya afwe nga yalambalile nu mu mpanga ya afwe.

Ezekelo 5:7

Caleka ne Yawe Simwandalali nkuti, pamulandu wakuntalondela amasunde ni vipope vyane, wemo we Yelusalemu watuiletelela ukuluta imitundu ya antu yano yakuzinguluka. Nupya wemo ukalondela imisango ya antu ya mitundu yuze.