Ezekelo 15:7 - Amazwi Yakwe Leza 2013

⁷ Kwene namasumbangako amanso yane pano yali apakuyalwisya. Yati yapusuka uku moto, lelo umoto uliza uyalye. Alino mulamanya ukuti nene Yawe, lino ndasumba amanso pa kumulwisya.

Ezekelo 15:7 ပူးပေါင်းရင်းမြစ်များ

1 Yamwene 19:17

Wensi uwafyufyuntuka ukukana komwa na Hazaeli, Yeu alamukoma. Alino wensi uwafyufyuntuka ukukana komwa na Yeu, Elisya alamukoma.

Masamu 34:16

Lelo wene antu yayo akacita iviipe, yene akayafutatila icakuti na antu yao nayo kwene iyasuka iyayilila.

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Ezaya 24:18

Wino wensi amaezya ukupuuka impungo, amaponela muli polowe. Na wino amapunsumuka mumo, amalemwa uku lukose. Iyulu limafomfomola imvula. Alino ivintu vino vyatungilila insi navyo vimatentanga.

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Ezekelo 11:10

Mulalukuta muno mpanga yakwe Izlaeli uku lupanga. Ndalinganya apakuti mukamanye ndivino icumi nene indi Yawe.

Ezekelo 14:8

Kuli kuti ndapezya umuntu wiyo nu kuleka ukuti aye icakulolela kweneko kuli yauze. Ndamusukula mu antu yane nga lyene mulamanya ukuti nene indi Yawe.

Ezekelo 15:6

Icaleka Yawe Simwandalali wati, “Nincitila aikazi yaku Yelusalemu, ndivino nacitile imitingi mu miti yaku mutengo, uno nasumvile umu moto nu kuoca.

Ezekelo 19:12

Lelo antu acipyu yene iyautukula, yauwisya na pansi. Iviseekwa vyakweo ali pakuuma, pamulandu wa muza waku ufumondaka. Imisambo yakweo nayo ikontoka, yuuma ipya nu ku moto.

Ezekelo 20:38

Pali mwemwe kwene ndafumyapo yacisanguka antalamila. Kwene ndayafumya mu mpanga muno yacili yakwikala, lelo ntalayata ukuti yakawelele mu mpanga ya ina Izlaeli foo. Lyene alino mulasininkizya ukuti nene indi Yawe.

Ezekelo 20:42

Lino ndamuwezezya mu mpanga ya Izlaeli, ino nalavile ukupeela ivikolwe vinu, alino mulasininkizya ukuti nene indi Yawe.

Ezekelo 20:44

Mwemo mwe ina Izlaeli, mulasininkizya ukuti nene indi Yawe, pano nemo nsimucita ukulingana ni mipitile inu iipe, ni misango inu ivulungane, awe. Vino nemo ndamucita, ivyakusunga sile umucinzi wane epela. Ivyalanda ne Yawe Simwandalali.”

Ezekelo 33:29

Alino yalamanya ukuti nene indi Yawe, lilyo lino ndasangula impanga ulwanga umutaya akantu nanti kamwi, pamulandu nu uyi wao uno yacita.’ ”

Ezekelo 5:8

Caleka ne Yawe Simwandalali nkuti, nemwisikulu nakusangukila, we Yelusalemu, nupya ndakuputwila imilandu pa manso ya antu amitundu yonsi.

Ezekelo 6:7

Antu yalafwa ntangali ntangali, na alasyalapo alino yalasininkizya ukuti fwandi nene indi Yawe.

Ezekelo 7:4

Ntakumupanya, nupya ntakumutezela foo. Namamufulula pamulandu wa vintu vyawinyi vino mwemo mwacita, ali pakuti musininkizye ukuti nene indi Yawe.”

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Amosi 5:19

Cilaya ndi vino cikaya lino umuntu akuutuka cisama nga lyene akomanya icilyanyi icakolana ni cuuli, nanti vino cikaya ndu muntu wingila mu ng'anda, nga lino wasamila ku lung'umba inzoka imuluma.