Ezekelo 15:4 - Amazwi Yakwe Leza 2013

⁴ Yakausumba sile umu moto nu kupya. Umoto ukaoca insongo zyonsi zyoili, ni cipande ca mukasi naco kwene icipyela kumwi. Uzye umoto, ali uno yangapangako cimwi?

Ezekelo 15:4 ပူးပေါင်းရင်းမြစ်များ

Masamu 80:16

Anisi itu yatiyaoca uku moto, nu kuuwisya. Yalolekesye fwandi cipyu cipyu uleke yalowe!

Ezaya 1:31

Vivi kwene vino icimbilimbili cikaoca icimuti icume, ali vino na antu yamaka yalapila pamwi ni vicitwa vyao. Nupya kutalaloleka umuntu nanti wenga alalesya ukuti antu yayo yakane ukononeka.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Ezekelo 15:3

Uzye yakauomvya umu musango uli onsi, umu kupangamo icintu? Uzye yangauomvya ukukupangako nanti akalupanda apakukowekako iciviya cimwi?

Ezekelo 15:5

Apansita ino wali upuma utalinzile ukupangako icintu icili consi. Lyene lino wapya wasikisa, uzye alino ungalinga ukupangako icintu?”

Ezekelo 15:6

Icaleka Yawe Simwandalali wati, “Nincitila aikazi yaku Yelusalemu, ndivino nacitile imitingi mu miti yaku mutengo, uno nasumvile umu moto nu kuoca.

Ezekelo 19:14

Nga alino mu cimuti kwene ca mutingi mufumamo umoto, nao wiza oca misambo yakweo kumwi ni viseekwa vyakweo. Awe imisambo iyo yakweo italatala ikome nupya, nupya italatala iye intuwa zyakwe yakateeka.’ Fwandi lulo ali lwimbo lwa ulanda, ulukaimbwa lili lili apa ndosya.”

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Yoane 15:6

Wino wensi asyaikala munondi wene alasumbwa wa musambo nu kunyala. Antu yakakolonganika misambo ndi vino uu, yaisumba mu moto, muno ikapya.

Ayebulai 12:29

Tulinzile kucita cii, pano cumi kwene Leza umoto uno ukaonona.

Ayebulai 6:8

Lelo musili ndi wamezya myunga ni vikona wene ale utakweti mulimo nupya uli mu uzanzo wa kutipwa na Leza. Nga ulononwa ku moto.