Ezekelo 14:3 - Amazwi Yakwe Leza 2013

³ “We mwana wa muntu, antu yaa yatiyika imyenzo yao ku tuluwi twao, nu kwika amanso yao pa vintu vyuze vyakupumika kweneko. Uzye yene yakwelenganya ukuti nemo ndayaasuka lino yanguzya?

Ezekelo 14:3 ပူးပေါင်းရင်းမြစ်များ

2 Yamwene 3:13

Alino Elisya anena umwene waku Izlaeli ati, “Uzye cino nemo ningakwazwilizya icani? Yanga ukuuzye yakasema yaya yano so na nyoko yuzyanga.” Yolamu nawe aasuka ati, “Awe, ala apamulandu wakuti Yawe aliwe akulonda kuti atusumbe swe yamwene yatatu ku mwene waku Moabu.”

Masamu 101:3

Intalatala indolekesye apa viipe. Nemo napata ivicitwa vya antu akakusangukila we Leza, nsivisumbako namano foo.

Masamu 66:18

Iciya icakuti nemo inkasansamukila umu viipe, awe cumi Umwene atange anguvwe.

Mapinda 15:29

Umwenzo wa muntu mulungami ukaelenganya ukucita ivisuma. Akanwa ka ntalanganyi kene kakalanda ivyaukakasi.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Mapinda 28:9

Ndi umwi akakana ukuvwa isunde, ni pepo lyakwe kwene lyapatwa.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Ezaya 33:15

Ala mungapusuka ndi mwatandika ukucita ivyaololoke nu kulanda ivyacumi. Fwandi mutaya nu lwiswa umu kulonka ivyuma ku alanda, nupya mutapokelela amafukakanwa. Mutaezya ukuvwana na yacikoma, nanti yayo akacita iviipe.

Yelemiya 11:11

Caleka lyene ne Yawe nkuyasoka ukuti namayaletela uononyi, nupya yene yatalutuka awe. Yamatangi ndi yalaizya tutulwe, nemo nsikwikangako amano.

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Yelemiya 21:2

“Twapapata mutuzizyeko kuli Yawe, pano lyene Nebukadineza umwene waku Babiloni ni vita vyakwe yakulwisya umusumba uu. Limwi lyene Yawe angatucitila ivizungusyo vimwi ivingapatikizya umwene Nebukadineza kuswilila.”

Ezekelo 11:21

Lelo ndavunuka antu yano yatemwa ukupepa amaunkolanya aipe nu tuluwi twawinyi. Ndayavunuka pamulandu wa vintu vyonsi viipe vino yacita. Ivyalanda Yawe Simwandalali.”

Ezekelo 14:2

Yawe avwanga kunondi ati,

Ezekelo 14:4

“Caleka uyanene ukuti ne Yawe nkulanda ukuti, ‘Ndi cakuti umwina Izlaeli umwi ali wensi wika umwenzo pa tuluwi twakwe nu kwika amanso yakwe pa vintu vyuze vyakupumika kweneko, nga lyene aya ku kuuzya kuli kasema, lyene ne Yawe ne mwisikulu ndamwasuka uwasuko ulingine nu upefi wa tuluwi twakwe.

Ezekelo 14:7

“Ndi cakuti umuntu ali wensi, mwina Izlaeli ali wensi nanti umwinamasi wino akwikala pakasi kao, wakana nene nu kwika umwenzo wakwe pa tuluwi twakwe, nga nu kwika amanso yakwe pa vintu vyuze vyakupumika kweneko, umuntu wiyo ndi wiza ku kuuzya kunondi, kupitila muli kasema, ne Yawe ndamwaasuka nemwisikulu.

Ezekelo 20:16

Ee kwene, nalafile, pano yasuuzile ivipope vyane, yafuma nu mu masunde yane, yasuulila kumwi ni Sabata lyane lyamuzilo. Yatemilwe ukupepa tuluwi twao.

Ezekelo 20:3

“We mwana wa muntu, unene antu ukuti Yawe Simwandalali wavwanga wati, ‘Uzye mwemo mwizile mu kuuzya vino nkalonda? Awe, nemo nsikuleka muzye penepo nanti cimwi. Ivyalanda ne Yawe Simwandalali.

Ezekelo 20:31

Na pilelo kwene mwemo mucili mukatula amawila ali yamwi kwene, nupya mucili mukuikowezya ku tuluwi tuli tumwi kwene, mukututuula impolelwa zyakoca ana inu? Uzye pacani cino mwemo mwe ina Izlaeli ningamuzumilizya ukwiza mukunguzya vino nkalonda? Nalapa, ne Yawe Simwandalali, nemo ntange ntale muzumilizye kwiza mukunguzya.

Ezekelo 3:20

“Umuntu umwi umusuma ndi watandika ukucita vimwi iviipe, alino nani namuteya iciteyo, ala nawe kwene alafwa ndi cakuti wemo utamucelwile kweneko. Umuntu wiyo alafwila pa uyi wakwe, nani ntaliusya ni visuma vino wene wacisile, lelo wemo ulakumpwilapo umulandu pa mfwa yakwe.

Ezekelo 33:30

Nupya kwene Yawe anena ati, “We mwana wa muntu, antu amu mutundu wako yakalanda pali wewe lino yakomenkana api liinga na pa milyango ya mang'anda, ala yakunenana yakuti, ‘Izini tuvwe amazwi yafuma kuli Yawe.’

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezekelo 44:12

Lelo pamulandu wakuti ali yano yatungulwilanga aina Izlaeli amapepo akupepa utuluwi, calola ukuti fwandi ali yano yayatwalanga mu kwifya. Caleka nani ne Yawe Leza nalapa ukuti yali nu kuvunukwa.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Ezekelo 7:19

Zaabu wao ni mpiya zyao yalavisumba mu miseo yamu musumba kwati ivyausali, pano impiya na zaabu vitangalola ukuyatuula pa nsita ino Yawe Leza ali ni cipyu. Vitangalola umusango wakuyatuusizyamo ku nzala. Vingalesya nu kuikusya, pano zaabu ni mpiya ali vintu vino vyayalenganga ukwifya.

Oseya 4:5

Mwemo mukaluvyanya umusanya nu usiku, nga na yakasema nayo kwene yakacita cili cimwi kwene, caleka ndonona nyoko Izlaeli.

Zefaniya 1:3

Ndonona antu ni nyama kwene. Ndonona ivyunyi vyamu lwelele nga ni nswi zyamuli yemba. Antu aipe ndayawisya. Ndonona mitundu ya antu kuti patakasyale umuntu nanti wenga pano nsi. Avino Yawe wavwanga.

Zakaliya 7:13

Yawe Pali pakuvwanga ukuti antu yakwe ndi yasikuvwa vino akulanda, awe cumi nawe atalauvwa vino yalamupapata.

Luka 20:8

Yesu nawe ayanena ati, “Nani kwene ntakumunena uwampela maka akucita vintu vii.”

Efeso 5:5

Pano mulinzile kusininkizya ukuti antu akacita vii yatalaya amu Wene wakwe Klistu na Leza.

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.

1 Samueli 28:6

Auzya Yawe ivyakucita, lelo Yawe atamwaswike mu viloto nanti kupitila muli Ulimu nanti muli yakasema.