Ezekelo 13:8 - Amazwi Yakwe Leza 2013

⁸ Icaleka lyene nani namwalukila apamulandu ni vilolwa vinu ni visowelo vinu ivya uwelewele ni vyaufi. Ivyalanda ne Yawe Simwandalali.

Ezekelo 13:8 ပူးပေါင်းရင်းမြစ်များ

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Yelemiya 21:13

Ala awewe kwene, awewe nkulwisya we Yelusalemu we muno wikala apa sanzuke, wa ciliwe cino catumpuka apapela mu cifoloma. Lelo nemo ndalwisya mwemwe. Mwemo mukalanda muti kusi nanti wenga wino angamuzanza nanti kumwingilila mu vifulo vinu vya kuzinamo.

Yelemiya 23:30

Nupya Yawe walanda wati, “Caleka nemo nkukanya yakasema yayo akanenana nu kusema amazwi yano yakatunganya ukuti yafuma kunondi.

Yelemiya 29:31

“Tumila azya yonsi amazwi yano yakumile Syemaya umwina Neelamu ukuti Yawe wavwanga wati, ‘Apamulandu wakuti Syemaya wamupolelela nu usemo wakwe nanti angala ntamutumile, lyene nawe watamulenga ukuzumila intumpu.

Yelemiya 51:25

We Babiloni, wemo ukoline umwamba uno ukaonona insi yonsi, lelo ne Yawe, nene ndi mwanisi wako. Ndakulema nu kukukunkulusya ukufuma pa vimawe vivyo ivitali. Ndakusangula wa mwamba uno wapya ku moto.

Ezekelo 21:3

nena impanga yakwe Izlaeli uti, ‘Yawe wavwanga wati lola nakukatukila, namasomola ulupanga lwane mu cituwo, pakukoma umulungami pamwi ni ntalanganyi.

Ezekelo 26:3

Caleka nemo ne Yawe nkuyanena inti, ‘Mwe ina Tuli, lyene nene indi mwanisi winu alipo. Ndakatusya antu amitundu ivule pakuti yakize yakamuzanze, yaliza ndi vino maimbi ya muli yemba yakacita.

Ezekelo 28:22

‘Yawe Simwandalali walanda wati amakufutukila, we Sidoni, amacindamila na munuli. Yalamanya ukuti nene indi Yawe, pano alakulula ndi vino wakupingila, alalanga nu ucindami wakwe munuli.

Ezekelo 29:10

Caleka nemo namakufutukila, wewe kwene na Nailo wako. Namasangula impanga ya Eguputo ulwanga umu siikalwa umuntu, kutandikila ku Migidoli ukufika nu ku Siyene, na kuli nande waku Kusyi.

Ezekelo 34:10

Nemo ne Yawe nalanda ukuti lyene namufutatila, mwaya anisi yane. Ndamupoka imfwele zyane, mutalatala mukaziceme nupya foo. Nupya ntalaleka kuti mwaisakamala sile mwe eneco. Mwemo ndamufyombotola imfwele zyane, ntalaleka mukazilyepo nupya foo.

Ezekelo 35:3

Antu aikala kweneko uyanene ukuti Yawe Simwandalali akuti, Nene mwanisi wako, we Mwamba wa Seili, nupya ndakufulula uye wa citalang'anda.

Ezekelo 39:1

Fwandi we mwana wa muntu, sesemela Gogi uti, Yawe Simwandalali wa vwanga wati, “Namakwalukila we Gogi, we ntunguluzi yaku Mesyeki na Tubali.

Ezekelo 5:8

Caleka ne Yawe Simwandalali nkuti, nemwisikulu nakusangukila, we Yelusalemu, nupya ndakuputwila imilandu pa manso ya antu amitundu yonsi.

Naumi 2:13

Yawe Wamaka yonsi akunena aikazi aku Ninive ati, “Nemo indi wa mwanisi winu. Ndoca maceleta inu. Ivita vinu vilakomwa ku lupanga, vivyo ivikoline na yacisama. Nemo ndamupokolola ivisampwe vinu vyonsi. Inkombe zinu zitalalolola izwi nanti limwi ilinguvwika.”

1 Timoti 4:1

Mupasi Wamuzilo akalanda paswe ukuti mu manda yampela antu yamwi yalafutatila utailo. Yene yalayela mazwi kufuma ku mipasi yantumpu, nga nu kulondela masambilizyo kufuma ku mipasi yankota.

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

1 Petulo 3:12

Pano Mwene akalolekesya pa antu akacita vyawololoke, nu kuvwa mapepo yao. Lelo wene akakanya yao akacita viipe.”