Ezekelo 13:6 - Amazwi Yakwe Leza 2013

⁶ Yakalola ivya uwelewele nu kusowela ivya ntumpu zitupu, ala yakuti nu kuti, ‘Ivyalanda Yawe,’ nalino Yawe atayatumile foo. Nga yataila nu kuti amazwi yao yangafikiliziwa.

Ezekelo 13:6 ပူးပေါင်းရင်းမြစ်များ

1 Yamwene 22:12

Na yakasema yonsi asyala yasesema umuli monga kwene ala yakuti, “Uce ukaye ukalwisye umusumba wa Lamoti Gileadi nu kucimvya, pano Yawe alaupeela mu makasa yako we mwene.”

1 Yamwene 22:15

Walanga Mikaya wafika sile ku mwene Aabu, umwene nawe amuuzya ati, “We Mikaya uzye umwene Yeosafati nani tungaya tukalwisye umusumba wa Lamoti Gileadi, nanti tutace tuyeko?” Mikaya aasuka ati, “Muce mwapita mukalwisye, mulaya mukacimvye. Yawe umweneco alaleka mucimvye.”

1 Yamwene 22:27

Uyanene yamusunge mu ng'anda yaminyololo, nga mulinzile mwamupeela cakulya cinono na manzi yanono suka sile ince imbwele umutende.”

1 Yamwene 22:37

Fwandi ali vino umwene Aabu wafwile. Ni cala cakwe yacitwala ku musumba wa Samaliya, nu kuzika ali kuno yaya yacizika.

1 Yamwene 22:6

Acino Aabu akonganika yakasema yakwe ali manye imyanda ini, nga ayuzya ati, “Uzye nje nkalwisye umusumba wa Lamoti Gileadi, nanti foo?” Nayo yamwasuka yati, “Yanga, pano Yawe amaupeela mu makasa yako we mwene.”

Mapinda 14:15

Umuntu iciwelewele wene akataila muli vyonsi kwene, lelo uwa mano wene akawaka imipitile yakwe.

Yelemiya 14:14

Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Yelemiya 23:16

Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Yelemiya 28:1

Mu mwaka kwene uo, pakutandikila sile kwa wene wakwe Zedekiya umwene waku Yuda, umu mwezi walenga isano wa mwaka wakwe cini, kasema Hananiya umwana wakwe Azuli umwina Gibyoni, wavwanzile kunondi ne Yelemiya mu ng'anda yakwe Yawe. Cali apa manso yakwe yasimapepo na antu yonsi ati,

Yelemiya 28:15

Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.

Yelemiya 28:2

“Yawe Wamaka yonsi Leza wa ina Izlaeli akuti ninkontola ikoli lya mwene waku Babiloni.

Yelemiya 29:31

“Tumila azya yonsi amazwi yano yakumile Syemaya umwina Neelamu ukuti Yawe wavwanga wati, ‘Apamulandu wakuti Syemaya wamupolelela nu usemo wakwe nanti angala ntamutumile, lyene nawe watamulenga ukuzumila intumpu.

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.

Yelemiya 37:19

Yalikwi yakasema inu yano yasowile ukuti umwene waku Babiloni atalakuzanza nanti uku wililila impanga yako?

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Ezekelo 13:7

Uzye asi vilolwa vya uwelewele ni visowelo vinu vyaufi lino mukavwanga mukuti, ‘Ivyalanda Yawe.’ Nalino asi anene mvwanzile?

Ezekelo 21:23

Amu musumba yelenganye ukuti nanti yangalapa imilapo uli, kupendola kwao ukwa uwelewele sile. Lelo kukapeela umboni pa uyi wao, ulayaponela mu uzya.

Ezekelo 21:29

Nena aina Amoni ukuti ivilolwa vino yakalola ivyaufi, nu kuti ivisowelo vino yakasowela, navyo kwene ivyaufi. Aina Amoni antu yaipe nupya iviwelewele vya antu, nu wanda onga wasya uyazanikizye, uli wanda wakuyalyotola. Ulupanga lwatilufika pa nsingo zyao.

Ezekelo 22:28

Yakasema yao nayo yasilandapo pa uyi uu, yakafisa kwati antu yano yakupawila cipau ku lung'umba. Ivilolwa vyao navyo ivyaufi sile, ni visowelo vyao navyo kwene ivyaufi sile. Yene yakailola ungati antu akalanda amazwi yane ne Yawe, fwandi ala ne Yawe ntayanenyile nanti kamwi.

Zakaliya 10:2

Antu yakauzya vimwi ku tuluwi tuleza twao, lelo vino tuluwi tukayasuka ala vyauwelewele sile, nupya ivyaufi ufite fititi. Yakasapoola nayo aufi sile, yakatumpoka, yakalota sile vyakulota, yakaicuzya sile ukutekezya antu imyenzo. Fwandi uli mulandu kwene uno antu yakalulumba sile wa mfwele ziponge. Antu yakacula pano yatakwata wakuyatungululako.

Mako 13:6

Pano antu aingi yalizila mwi zina lyane nu kuti, ‘Klistu anene!’ Yene yalaponzya antu aingi.

2 Tesalonika 2:11

Acino Leza alaleka kuti maka akuluvyanya yaombe munoyali kuti yataile vyaufi.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.