Ezekelo 13:3 - Amazwi Yakwe Leza 2013

³ Yawe Simwandalali wavwanga wati, Isyamo, kuli yao yakasema imbulwamano, akasema ivya mu myenzo yao aeneco, ukwaula kulolapo nanti kamwi!

Ezekelo 13:3 ပူးပေါင်းရင်းမြစ်များ

Mapinda 15:14

Umwenzo wa mano ukalondelezya ukumanya, lelo akanwa kaciwelewele kakailyokezya ivya uwelewele.

Mapinda 15:2

Amazwi ya antu ya mano yakapa amano, lelo pa kanwa ka ciwelewele pakafomfomola uwelewele.

Yelemiya 23:1

“Kalanda kuli yakacema yano yakaleka ukuti imfwele zya ufyo wane ziponge nu kusalangana!” Ivyalanda Yawe.

Yelemiya 23:16

Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Yelemiya 23:9

Apamulandu na yakasema, umwenzo wane wati ulepuka umukasi, na mafupa yane yakuzakaza yonsi. Apamulandu sile wa Mwene, na mazwi yakwe acindamisye, nemo indi wa muntu uwatakoleka, wino waini watatonsya.

Yelemiya 28:15

Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Ezekelo 13:18

Yanene ndi vino Yawe Simwandalali wavwanga wati, ‘Yasyama yamangu yano yasumilila incilizi apa mpingu zya makasa yao monsi, yano yakasumila na antu ya musinku uli onsi ivitambala vyaku mitwe, apakwika imyenzo yao umu citeyo. Ala mukalema imyenzo ya antu yane, lelo mukapanya umwenzo winu mwe yeneco.

Ezekelo 13:4

Yakasema yako we Izlaeli, yakoline na yankusa mu matongwa.

Ezekelo 34:2

“We mwana wa muntu, semela yakacema amu Izlaeli, useme uyanene uti, avino Yawe wavwanga wati, kalanda kuli yakasema amu Izlaeli, yao akaisemela sile aeneco. Uzye yakacema yasi nu kucema ufyo?

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Zakaliya 11:15

Nupya Yawe wanenyile ati, “Tola iviombelo vyakwe kacema iciwelewele.

Luka 11:40

Viwelewele mwe! Uzye asi a Leza uwaumvile kunzi nu mukasi kwene?

Luka 11:52

“Kalanda kunomuli mwe nkonkotela zya Masunde. Mwasunga imfungulo ino ikayula ku kumanya vya pali Leza. Mwemo mweisikulu mwaposiwa ukwingilamo, nga mukalesya yano akwezya ukwingilamo.”

1 Kolinto 9:16

Ntakweti nsambu ya kuilumba sile pamulandu wa kukosola Ilandwe Lisuma pano Mwene uwampile ilamulo lya kukosola. Kalanda kunondi ndi nsyakukosola Ilandwe!

1 Timoti 6:4

ale wene ali ni cilumba nupya atamanyile ningo cintu nanti cimwi. Umuvulungane mano nupya wene akalonda kupazyanya nu kulemanila pa mazwi. Cii cikaleta uzuwa, vikanza, intusi, kutunganya kwipe,

2 Timoti 3:9

Lelo uwelewele wao utalayafisya kutali pano umuntu wensi alalola vino yatumpa. Vikwene avino cacitikile Yanesi na Yambulesi.