Ezekelo 13:2 - Amazwi Yakwe Leza 2013

² “We mwana wa muntu, sema isyamo kuli yakasema yamu Izlaeli yano yakusema pali ndakayi. Sesemela yao yano yakuituntumba sile apa lwao uti, ‘Si mungala muvwe ukwizwi lyakwe Yawe!

Ezekelo 13:2 ပူးပေါင်းရင်းမြစ်များ

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Ezaya 1:10

We Yelusalemu, ala yakateeka na antu yako yatapusine na yaya ali amu Sodoma nu mu Gomola. Si angala muvwe vino Yawe akulanda kunomuli. Sumbini amano kuli vino akumusunda.

Ezaya 28:14

Mwe antu ya vilumba mwe! Mwe muno mukateeka antu amuno Yelusalemu, uvwini vino Yawe akuvwanga

Ezaya 9:15

Aikolo na yasimucindikwa ali mitwe. Yakasema akasambilizya ivya ntumpu ali misinda!

Yelemiya 23:2

Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Yelemiya 27:14

Mutauvwa kuli yakasema yano yakumunena yati, “Mutatumikila umwene waku Babiloni, pano yene yakamusemela sile vyaufi.

Yelemiya 27:18

Iyaya ayakasema yampomvu ni zwi lyakwe Yawe likala kunoyali, ngano yakapapatila kuli Yawe Wamaka yonsi apakuti iviya vino vyasyala mu ng'anda yakwe Yawe, nu mu ng'anda ya mwene wa ina Yuda nu mu Yelusalemu, vitaca visendwe ku Babiloni.

Yelemiya 37:19

Yalikwi yakasema inu yano yasowile ukuti umwene waku Babiloni atalakuzanza nanti uku wililila impanga yako?

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Nyimbo zya ndosya 4:13

Lelo cacitike pamulandu wakuti yakasema yakwe yifizye na yasimapepo yakwe yali nu mulandu. Wakukoma antu akaele.

Ezekelo 13:1

Yawe avwanga kunondi ati,

Ezekelo 13:17

Nupya Yawe anena ne Ezekelo ati, “We mwana wa muntu, apa yantu yako lolapo yamangu aka ituntumba sile ivyakusema. Yanga ukayasoke pali vino yakacita.

Ezekelo 13:3

Yawe Simwandalali wavwanga wati, Isyamo, kuli yao yakasema imbulwamano, akasema ivya mu myenzo yao aeneco, ukwaula kulolapo nanti kamwi!

Ezekelo 16:35

Lyene we Yelusalemu cizelele wakantu, uvwa vino ne Yawe nkukunena!

Ezekelo 22:25

Intunguluzi zyao zili kwati a yacisama akung'anza pa nsita ino yakutakanya inyama ino yalemile. Intunguluzi zikakoma antu nu kuyapoka impiya, ni vyuma vyao vyonsi, zikalenga ukuti yamangu aingi yasyale yamukamfwilwa.

Ezekelo 22:28

Yakasema yao nayo yasilandapo pa uyi uu, yakafisa kwati antu yano yakupawila cipau ku lung'umba. Ivilolwa vyao navyo ivyaufi sile, ni visowelo vyao navyo kwene ivyaufi sile. Yene yakailola ungati antu akalanda amazwi yane ne Yawe, fwandi ala ne Yawe ntayanenyile nanti kamwi.

Ezekelo 34:7

“Fwandi lyene mwemo mwe yakacema uvwini vino nemo nkumunena.

Ezekelo 34:9

caleka fwandi uvwini kuno mwe yakacema.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mika 3:6

Caleka Yawe akuti, “Mwe yakasema, muliililwa na kanda kanyepe, mutalalola vilolwa nupya. Pamulandu wakuti mukapumbola antu yane, mwemo mutalakwata vilolwa navyuze, nupya mutalasapoola icintu cili consi.

Zefaniya 3:4

Yakasema yakwe imbutuma. Yene incenjezi.