Ezekelo 12:2 - Amazwi Yakwe Leza 2013

² “We mwana wa muntu, wemo wikala pakasi ka antu yacisanguka. Yene yakwata amanso akulolelako, lelo yasilola. Yakwata amakutwi akuuvwilako, lelo yasiuvwa, pamulandu wakuti acisanguka.

Ezekelo 12:2 ပူးပေါင်းရင်းမြစ်များ

2 Yamwene 17:14

Nga lelo yatali akuti yuvwe, yali sile wa vikolwe vyao uku utalami, yao atataile muli Yawe Leza wao.

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

Masamu 78:40

Pasi pa maila nu wingi lino yasangukilanga Leza umu lwanga nupya pasi pa maila nu wingi, lino yamusakamikanga!

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezaya 30:1

Yawe walanda wati, “Antu yano yakateeka impanga yakwe Yuda, yalacilola pamulandu wakutalamila ne Leza wao. Yene yakacita vino nemo ntateinye. Nupya yakapangana ni mpanga zyuze, ivipangano vino nemo nsyalonda. Fwandi lyene ali pakucililako ukwifya.

Ezaya 30:9

Apamulandu wakuti antu cila nsita yakatalamila Leza, yakapepa ufi nu kukana uvwa kuli vino Mwene akuyasunda.

Ezaya 43:8

Leza wavwanga wati, “Konganikini antu yane kwi tengo. Yene yakwata amanso, lelo yasilola. Yene yakwata amatwi, lelo yasiuvwa.

Ezaya 44:18

Ala yatamanya nu kutezya nanti kamwi. Yene yazyata yasilola akantu nanti kamwi foo. Imyenzo yao nayo isiiluka.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Ezaya 65:2

Nemo lyonsi naya umwi umuiteyanye ukuzengela antu yaa, nanti yene yakaluvyanyizizya sile itolo, nu kuicitila vino aeneco yaitemilwe.

Yelemiya 4:17

Yene yatiyazinguluka Yelusalemu, kwati a yakalinda ya calo, apa mulundu wakuti wene watalamila ne Yawe. Ivyalanda ne Yawe.

Yelemiya 5:21

sumbiniko amano, mwe antu atumpe nupya aulwa amano, mwemuno mwakwata amanso, lelo musilola nupya mwakwata amatwi, lelo mwemo musiuvwa.

Yelemiya 5:23

Lelo antu yaa yatalama imyenzo nupya iyumalale. Yene yamfutatila nu kunsya.

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Ezekelo 12:1

Yawe avwanga kunondi ati,

Ezekelo 12:25

Nene ne Yawe ndalanda, na cino ndavwanga vino indi nu kuvwanga nupya navino ndavwanga vilafikiliziwa kwaula nu kusumba kasita. Nupya umu nsita inu kwene, mwe luko lutalame mwe, ali muno ndavwanga izwi nu kulifikilizya. Ivyalanda ne Yawe Simwandalali.’ ”

Ezekelo 17:12

“Nena uluko luu lwa antu atalame uti, ‘Uzye mutamanyile icintu cii muno cilozile? Yanene uti umwene waku Babiloni wizile ku Yelusalemu, wasenzile umwene waku Yelusalemu pamwi ni nkombe zyakwe, ayatwala nu ku musumba wakwe wa Babiloni.

Ezekelo 2:3

anena ati, “We mwana wa muntu, nkukutuma ku ina Izlaeli, yacisanguka ansangukila. Yansangukila ukufika na pilelo, alio kwene kumwi ni vikolwe vyao.

Ezekelo 24:3

Nena yacisanguka ipinda lii lino nayumile ne Yawe uti, ‘Teka umupika pa moto, nga wauteka witilemo na manzi.

Ezekelo 3:9

Nkukukomya ukuluta ni iwe, ukuluta na kaliwe kakankala kakwe daimondi akakome wa nkomolo, ala antu yaya utakayoope foo, pano yaya uluko ulutalame.”

Ezekelo 44:6

“Nena atalami, ang'anda yakwe Izlaeli uti, Yawe Simwandalali akuvwanga ukuti, Mwe ina Izlaeli ala imicitile yinu iipisye yaticila umu cipimo.

Mako 4:12

pakuti, ‘Kulola yangalola, lelo yatangailuke. Nu kuuvwa yanguvwa, lelo yatangamanya ningo. Pano iyamanya yangazenzuka, nga Leza ayelele.’”

Luka 8:10

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe, pakuti, yangalola lelo yatangailuke nu kuvwa yanguvwa lelo yatangamanya ningo.

Yoane 12:40

“Leza watapafuzya manso yao, nu kukomya myenzo yao, pakuti manso yao yatalola nanti yakampingu yao iiluke, pano limwi yangiza kunondi ne Leza, nga nane njapozye.”

2 Kolinto 3:14

Mu cumi mano yao yali muli kupi. Ni lelo kwene insalu ikayavimba lino yakuwelenga zya mu upangano wa mpiti. Insalu ingavimbuka sile lino muntu waya muli Klistu.

Efeso 4:18

nupya myenzo yao yaya mu mfinzi. Yene yasikuma mu umi uno Leza akapela, pano yakomya imyenzo yao nupya yene atuutu.

Malango 29:3

Mwailolile mweisikulu ivilumbelo ivipisye alino ni vinjelengwe pamwi ni vizungusyo ivikulu vino Yawe Leza wacisile.

Malango 29:4

Lelo mwemo ukufika na pi lelo mutacili mupelwe amano akwiluka pa vintu vino mwailolile.

Malango 31:27

Natimanya ukutalama na ucisanguka wao vino waya. Yene yasangukila Yawe lino nemo ncili nu umi. Nupya mulalusya ukumusangukila pacisila ca mfwa yane.

Malango 9:24

Mwemo mwasangukila Yawe ukufuma sile lino namanyile mwemwe.

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.