Ezekelo 11:16 - Amazwi Yakwe Leza 2013

¹⁶ “Caleka unene auzo ali mu uzya ukuti ivintu vino ne Yawe Simwandalali nkumunena aivi: ‘Nene nayatumile kuya ikala mu nko zyuze zyakutali nu kuyasalanganyizizya mu mpanga zyuze. Lelo, pa kasita kanono namayanga nayo mu mpanga muno yaya.’

Ezekelo 11:16 ပူးပေါင်းရင်းမြစ်များ

Masamu 31:20

Ukayasungilila kunuli, nu kuyacingilila uku mapange aipe a antu. Ukayasunga umwi cele lyako, nu kuyafuntusya uku ntusi zya anisi yao.

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Masamu 90:1

Mwene, wewe uli wikalo witu wakuzinamo, umu nkulo zyonsi.

Masamu 91:1

Wiyo uwaya ku kuzina kuli Leza wapapelapela, umu mapa ya cisao cakwe Umweneco Wamaka yonsi,

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Ezaya 4:5

Alino lyene Yawe aliza aikale apa Mwamba wakwe wa Zioni, nga na pali yayo yonsi aliza yakonganepo. Umusanya alaloleka ungati ikumbi ni cunsi. Usiku alaloleka wa cimbilimbili cino cikulunkuma. Pano vyonsi vilauwa umu ucindami wakwe Yawe.

Ezaya 8:14

Apamulandu nu kucindama kwane ukwa cipezya amano, nemo naya wi we lino antu yakapumika kweneko. Naya wa lukose luno antu yakalemya mwenemo, yayo atekwa umu Yuda nu mu Yelusalemu. Icikalemwako nu ku ina Yelusalemu kwene.

Yelemiya 26:11

Nga alino yasimapepo na yakasema yanena intunguluzi zya antu yati, “Umuntu wii alingine sile ukufwa, pano watasema ilovyo ku musumba ndi vino mwatimuyuvwila ku matwi inu.”

Yelemiya 26:7

Yasimapepo, yakasema nga na yonsi yuvwile kuno nkulanda vii mu Ng'anda ikulu yakwe Leza.

Yelemiya 29:11

Pano nimanya vino mpanzile ukucita pamulandu namwe, ivyalanda Yawe. Napanga ukumuletela ulongo asi syamo foo. Ukumuletela utailo ni syuko likalamba.

Yelemiya 29:7

Nupya mwasumbisya amano uku vintu ivyakuzipila impanga ino namutwala mwenemo mu uzya. Mwalengela impanga iyo kuli Yawe. Pano ndi cakuti yakwata isyuko namwe kwene mulaya nu longo.”

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Yelemiya 42:11

Mutaoopa nupya umwene waku Babiloni wino mukaoopa. Mutamoopa foo. Ivyalanda Yawe. Pano nemo indi namwe apakumupususya nu kumutuula mu makasa yakwe.

Ezekelo 20:23

Nupya kwene mu lwanga kwene amuno naswilizye ukulapa. Lyene indapa ukuti indayasansantila mu mpanga zyonsi.

Aina Levi 26:44

Lelo nanti cingaya vivyo, lino antu yalya yacili mu mpanga zya anisi yao ntalayatazyela nanti kuyonona yonsi nu kutama cipangano cane cino nacisile kunoyali. Pano Nene indi Yawe Leza wao.

Zakaliya 2:6

Yawe wavwanga wati, “Izini! Izini! Utukini mufume mu mpanga yaku katutu. Pasi pano nemo natimusalanganyizizya ku miza ini ya kwiyulu.

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.