Ezekelo 1:4 - Amazwi Yakwe Leza 2013

⁴ Awe indolekesya nga ndola icipupu ukufuma ku katutu, caleta ikumbi likalamba ilizingulwikwe nu luswepo, nu moto umwafumanga kumyantula kwa mvula.

Ezekelo 1:4 ပူးပေါင်းရင်းမြစ်များ

1 Yamwene 19:11

Yawe nawe amwaasuka ati, “Ndanga wimilile papela ya mwamba, pa manso yane.” Lyene Yawe aiza apita penepo, alino cipunga cikulu sana cikatuka nga icilepula umwamba pakasi icivungola na mawe, lelo Yawe atali mwenemo mu cipunga cico. Lino cipunga cata, kwiza icilundumusi. Lelo Yawe atali mwenemo mu cilundumusi cico.

2 Yamwene 2:11

Lino yakupita ala yafumile yakulanda, lilyo kwene iceleta lya moto iliiza lino imfwalasi zyamoto zyazusile zikutinta. Alino lisenda Eliya umwiyulu muli nkungulupya.

2 Milandu 5:13

Yakiimba ya nyimbo na yakalizya ya ntandala yonsi yapomokela capamwi nu kulumbanya Yawe ni zwi lyonga sile. Api zwi lyakufuma umu ntandala ni vyakulizizya vyuze, yonsi pamwi yasanzula izwi lyao nu kulumbanya Yawe yati, “Endi, Yawe umusuma, pasi pano uluse lwakwe ulwa muyayaya.” Lino yasimapepo yafuma mu Ng'anda ikulu yakwe Yawe, ikumbi liiza ilizula mu Ng'anda ikulu yakwe Yawe, nga iliyengesa apakulanga ucindami wakwe Yawe.

Yobo 38:1

Lyene Yawe aasuka Yobo umwi zwi ukufuma mu cipuupu.

Masamu 50:3

Awiyo Leza witu akwiza, asikwiza cimyamya foo. Cimbilimbili ca moto caticimukolelela, alino cipunga ca muza icimulizizya.

Kufuma 9:24

imvula ya mawe ikulu cuze, nga nu kumyansya lililili. Amawe ya mvula yali akuvwisya intete cakuti mwi landwe lya mpanga ya Eguputo yatatazile yapone mu musango ndi uu.

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

Ezaya 21:1

Amazwi asowilwe pamulandu nu lwanga ulwamu nkumba yakwe yemba yakuti, Uononyi ulafuma ku mpanga ikakame. Uliiza wakwe nkungulupya akupita ukufuma mu lwanga.

Yelemiya 23:19

Icipunga ca ukali wakwe Yawe caticikatuka, na nkungulupya kwene watakatuka wiyo wino alaponela pa mitwe ya antu aipe.

Yelemiya 25:32

Nupya Yawe Wamaka yonsi wavwanga wati, “Lola isyamo lyatililunduluka mu mitundu yonsi, ni cipunga icikalamba caticikatuka ku mpela zya mpanga.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 4:6

Tumpulini cimanyililo cakulanga ukuya ku Zioni. Simulini muipususye, ukwaula kuzingota! Pano nasya ndete uzanzo ukufuma ku kayeya, nu uononyi uwipe wakwe cimwi.

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Ezekelo 1:27

Nga naweni calolekanga wa musana wakwe ukuya papela, walolike wa cela ca mukuwa kwati umoto. Nupya ukufuma kuli cino calolekanga wa musana wakwe nu kuya pansi naweni icali wa moto nu luswepo ukucizinguluka.

Ezekelo 13:11

Nena yakatakasa yao ukuti, kuliza imvula ikalamba, imvula yamawe akulu, kulakatuka ni cipunga ca muza ukulu.

Ezekelo 13:13

“ ‘Icaleka Yawe Simwandalali wavwanga wati, Ndasapula icipunga ca muza uku cipyu cane, ndatonyezya ni mvula ya mawe mu cipyu cane ica ononyi.

Ezekelo 43:3

Icilolwa cino naweni cali wa cilolwa cino naweni lino wene wizile ku konona umusumba wa Yelusalemu. Nupya cali wa cilolwa cino naweni pipi nu Luzi lwa Kebali. Lyene impona pansi, ala mfupime.

Ezekelo 8:2

Awe mukwai niza nalolekesya, nalola cimwi cino cikoline wa muntu. Ukutandikila kuli cino calolekanga wa musana wakwe ukuya pisika, walolekanga wa moto. Nupya ukufuma umu musana wakwe ukuya papela, wali waluswepo, luno lukuyengesa wa cela icikulumbile ningo.

Zakaliya 6:6

Iceleta lilya ilili ni mfwalasi zitifi, likuya ku lusansa lwaku kayeya ka mpanga ya Babiloni, na lili ilili ni mfwalasi zitiswe lilungime ku mpanga yaku uwondaka, na lino lili ni mfwalasi ziyenzu lilungime ku mpanga yaku ufumondaka, na lino lili ni mfwalasi zya maalamaala lilungime ku mpanga yaku katutu.

Ayebulai 12:29

Tulinzile kucita cii, pano cumi kwene Leza umoto uno ukaonona.

Umbwilo 1:15

Ingazo zyakwe zyayengesanga wa cela ciyengese cino yengulula nupya cino cazifiwa. Izwi lyakwe lyuvwikike wa ciunda ca cipoma.