Ezekelo 1:19 - Amazwi Yakwe Leza 2013

¹⁹ Iviumbwa vyaumi ndi vyaya ku nkolelo, imipeto nayo iya mu mbali yakwevyo. Nupya iviumbwa vyaumi vivi ndi vyakatuka pansi, imipeto nayo kwene ikatuka pansi.

Ezekelo 1:19 ပူးပေါင်းရင်းမြစ်များ

Masamu 103:20

Lumbanyini Yawe, mwe angeli yakwe mwensi, mwe yacindami yamaka mwemuno mukafikilizya amasunde yakwe, mwemuno mukayela amazwi yakwe ndi wamwama.

Ezekelo 1:15

Nalolekesyanga viumbwa vyaumi vivi, nu mu mbali yakwe cila ciumbwa, vyonsi vini pali umupeto pansi.

Ezekelo 1:21

Vyene ndi vyasyengana, nayo kwene isyengana, nupya ndi vimilila nayo kwene iimilila. Nalino vyakatuka pansi, ni mipeto nayo kwene ikatuka pansi, pamulandu wakuti umupasi wa viumbwa vivi vyaumi wali mu mipeto ilya.

Ezekelo 10:16

Lino ya kelubi yaya ukunkolelo, imipeto nayo iya ukunkolelo. Nupya lino yakelubi yanza amapa pa kukatuka, imipeto nayo kusi ukufuma umu mbali yakweyo.

Ezekelo 10:19

Yakelubi nayo apali pakwanza amapa yao, yakatuka pansi, yafuma ni mipeto yayalondela. Alino yaya imilila apa mpongolo yaku ufumondaka wa ng'anda yakwe Leza, nu ucindami wakwe Leza wakwe Izlaeli ala uli apapela yao.