Ezekelo 1:13 - Amazwi Yakwe Leza 2013

¹³ Pakasi ka viumbwa viii vyaumi pali calolekanga wa munyeswa wa moto uno ukupya, uwali wa nkozyo zikwaka pakasi ka viumbwa vivi vyaumi. Nga nu moto ala ukwaka, mukufuma nu kumyansya kwa nkuwa.

Ezekelo 1:13 ပူးပေါင်းရင်းမြစ်များ

Utandiko 15:17

Lino ilanzi lyawa na kakuku katola, mu kupumikizya kuloleka icinga icikusuka umoto ni cisonsololwa cikwaka, vii vyoili ala vili pakasi ka vimpilinsya vya nyama zizi.

Masamu 104:4

Umu muza ali muno inkombe zyako zikapitila nga ni vimbilimbili vya moto ali vino ukaomvya wa yaomvi yako.

Ezekelo 1:7

Amaulu yaviko yali aololoke nga ni nkamba zya viko zyali wakwe zizi zya mwana wa ng'ombe, iziyengese wa cela cikulumbilwe ca mukuwa.

Ezekelo 10:2

Alino Leza anena umuntu uwazwite insalu zisuma ati, “Yanga mu mipeto ilya ikuzinguluka, ino ili mwisika lyakwe yakelubi, kapalemo umoto, uzuzye umu makufi. Nga lyene uye ufume ukutandanya mu musumba.” Awe nawe aya kweneko, ala nkuilolela nu kuilolela na manso yane.

Danieli 7:9

Lino ncili lolekesya, ivilimba vya wene iviteekwa apa ncende ilya. Alino wiyo uwaliko ku katalili aikala pa cilimba conga. Vyakuzwala vyakwe vyali mpee wa mula, nga ni nyele zyakwe zyali mpee wa mavumbu ya mfwele zitiswe. Cilimba cakwe ca wene catesilwe pa mipeto ya moto, nga calunkumanga nu moto.

Mateo 28:3

Kuloleka kwakwe kwakoline wa nkuwa, ni vizwalo vyakwe vyali vitiswe kuluta umula.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

Umbwilo 10:1

Nupya ndola mungeli namuze uwa maka ala akwika kufuma mwiyulu. Wene wakufilwe mwi kumbi nu mulalamfuti wazingulwike mutwe wakwe. Cinso cakwe calolike wi lanzi, ni ngazo zyakwe zyalolike wa cimbilimbili ca moto.

Umbwilo 18:1

Pacisila lyene ndola mungeli namuze akwika kufuma mwiyulu. Wene akweti maka akulu cuze, nga nu kuyengesa kwakwe ukwa lulumbi kukozya mu nsi yonsi.

Umbwilo 4:5

Kufuma mu cilimba ca wene inkuwa yamyansyanga, ni ciunda cakupangalansya. Inkolelo ya cilimba ca wene pakanga inyali cinimbali. Zyene ili mipasi cinimbali yakwe Leza.