Ezaya 9:9 - Amazwi Yakwe Leza 2013

⁹ Aina Izlaeli yonsi, kuli kuti aina Efulemu kumwi na antu yonsi aikazi amu Samaliya, yalasininkizya ukuti avino wacisile. Ndakai yene yali ni cilumba nupya yakuituumika apakuvwanga yati,

Ezaya 9:9 ပူးပေါင်းရင်းမြစ်များ

1 Yamwene 22:25

Mikaya nawe amwaasuka ati, “Insita iyo ulaimanya lino ulaya ukafisame mu kafyototi kamwi ka mukasikasi.”

Mapinda 16:18

Icilumba icikakolelela uononesi, ukuitutumula umu mwenzo, ukukakolelela ukuongoloka.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Ezaya 28:1

Kalanda ku ng'anda ya cilumba ya akolesi, aina Efulemu nu kwi luwa lyalokota. Ucindami wakwe uyembe, uno watongomala pa mutwe wa nyika ivunde, ya akolesi yakwe waini, auwo ulambalile papo.

Ezaya 28:3

Ivingala vya maluwa ivyacilumba, ivikazwala intunguluzi zizya zicakolwa, vili nu kulyatolwa.

Ezaya 46:12

“Munguvwe kuno, mwe antu mwe, mwemuno mwakoma umu kanwa. Mwe muno mukati ukucimvya kulaya sile lyuze lyuze.

Ezaya 48:4

Namanya ukuti mwakoma imitwe, nupya yakoma wa cela. Mwaya aumalale wa cela ca mukuwa.

Ezaya 7:2

Walanga amazwi yafika ku mwene waku Yuda ukuti ivita vya ina Alamu vyativingila mu mpanga yamu Izlaeli, intete izimulema kumwi na antu yakwe yonsi icakuti iyapunganika sile wa miti yamu mutengo ikutenta uku muza.

Ezaya 9:8

Yawe watatuma izwi lya kukalipila aina Izlaeli, amu mupanda wakwe Yakobo.

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Ezekelo 30:19

Acino ndavunuka aina Eguputo, lyene yalamanya ukuti nene indi Yawe.”

Ezekelo 33:33

Lino vivyo viliza, nupya vili mupipi vyasya vize, lyene alino yalamanya ukuti pakasi kao pali kasema.”

Ezekelo 7:27

Umwene alalosya, intunguluzi nayo ilaya nu ulanda ukalamba, na makasa ya antu aikala nsi yalazakaza ku ntete. Ndayalinganya pa miyele yao, ndayapingwila ukulingana ni mipingwile yao. Lyene yalamanya ukuti nene indi Yawe.”

Ezekelo 7:9

Ntakukulola luse luse, ntakukutezela foo, pano namalinganya pa miyele yako na pa vicitwa vyako iviipe, ivikaloleka mukasi kako. Lyene alino mulamanya ukuti nene indi Yawe wino akafulula.”

Oseya 8:14

Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Malaki 1:4

Limwi amu mupanda wakwe Edomu yangaiwanzya yati, “Silolini vino imisumba itu yononwa! Lelo tulaikuululula nupya.” Lyene Yawe Wamaka yonsi wavwanga wati, “Yatini yakuululule imisumba yao, lelo ndayonona nupya kwene. Antu yayo yalaamwa ukuti impanga yankota, iya antu yano insita zyonsi yaponelwa nu ukali wakwe Yawe.”

Malaki 3:13

Yawe wavwanga wati, “Mwemo mwalanda amazwi aipisye apali nene. Lelo mukuuzya muti, ‘Uzye ivyani vino twalanda ivyapali wewe?’

Malaki 4:1

Yawe Wamaka yonsi wavwanga wati, “Cumi kwene uwanda ukwiza lino antu yonsi acilumba na yakacita yankota yonsi yalapya wa mapelele. Pa wanda ulya yene yalapya pyu, mpaka yasyale itwi litupu.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”