Ezaya 7:8 - Amazwi Yakwe Leza 2013

⁸ Pasi pano impanga ya Alamu italuta Damasiko, umusumba wa mwenemo uku maka. Nanti sile umusumba wa Damasiko utaluta Lezini amaka, umwene wauko. Aina Izlaeli nayo apa myaka amakumi mutanda na isano ale yasansantika, umutundu wao utalalemana foo.

Ezaya 7:8 ပူးပေါင်းရင်းမြစ်များ

Utandiko 14:15

Lino yafika Abulamu apaatula vita vyakwe mu maumba maumba, nga yazanza anisi insita ya usiku, yayacimvya. Anisi yalya yutuka, nayo yayazinganya kufika ku Hoba, ku katutu kakwe Damasiko.

2 Samueli 8:6

Lyene Davidi akuula insakwe zya nkondo mu Damasiko nu kulasika asilika akwikala mwenemo nu kumuteekela impanga ilya iya Asilya. Aina Asilya iyatandika ukuteekwa na Davidi nga iyalipa ni misonko kunoli. Yawe alenga kuti Davidi acimvye konsi konsi.

Ezila 4:2

Acino yiza kuli Zelubabeli nu ku akalamba ya lupwa nga iyayanena iyati, “Lekini tumwazwe uku kuula, pamulandu wakuti naswe kwene tukalondesya Leza winu wakwe vino mukamulonda. Tukaapeela ni mpolelwa kunoli ukutandika sile apa nsita yakwe Esalaadoni mwene wa ina Asilya, wiyo uwatulesile kuno.”

Ezaya 8:4

Pano alala mwana atacili wamanya ukwama ati, ‘Tata’ nanti ‘Mayo’, mwene waku Asilya ale wasenda mpiti ivyuma vyaku Damasiko ni visampwe vyonsi vyaku Samaliya.”

Ezaya 9:11

Ali cino fwandi Yawe watakalaufya anisi yao apakuti yayazanze.

Ezaya 9:9

Aina Izlaeli yonsi, kuli kuti aina Efulemu kumwi na antu yonsi aikazi amu Samaliya, yalasininkizya ukuti avino wacisile. Ndakai yene yali ni cilumba nupya yakuituumika apakuvwanga yati,

Yelemiya 49:23

Apa lwa musumba wa Damasiko, Yawe wavwanga wati, “Aikazi amu Hamati na Alipadi, amano yatiyayapeela. Pasi pano yene yatiyuvwa ululumbi ulwipe. Imyenzo yao yafwa cipafi. Yasi yakutekeziwa foo.

Ezekelo 27:18

Aina Damasiko yaculuzyanyanga nawe, pamulandu wa vintu ivivule vino wapanganga, nu ukankala wako ukalamba. Yakuletelanga waini ukufuma ku Heliboni na mavumbu ya mfwele zyaku Zaala.

Oseya 13:1

Uku mpiti lino aluko lwakwe Efulemu yavwanzile, imitundu yuze ya ina Izlaeli yuvwile intete. Yene yacindike aluko lwakwe Efulemu. Lelo antu yifizye apa kupepa Baali, nga yavunwikwe pa kucita cico.