Ezaya 7:6 - Amazwi Yakwe Leza 2013

⁶ ‘Lekini tuye tukazanze impanga ya Yuda. Lekini tukapoke impanga yakwe, nu kulasika Tabeele apa cilimba ca wene.’

Ezaya 7:6 ပူးပေါင်းရင်းမြစ်များ

1 Yamwene 12:16

Lino antu yalola ukuti umwene Leoboamu wakana ukuti ayuvwe, nayo ali pakupunda yati, “Davidi na ang'anda yakwe kayaliyali. Uzye icani fwandi cino yatucitila? Mwe ina Izlaeli mwe sikatukini twapita kumwitu! Ata see! Mutini Leoboamu alali! Lyene we mwana wakwe Yese, nawe uilolele wemwisikulu pa akazi kako.” Acino aina Izlaeli iyakatuka nu kupita ku mang'anda yao.

2 Yamwene 11:2

Kwapuswike sile Yoasyi. Nupya nawe kwene kwasile sile kwempe, ngano yamukomile pamwi nauze. Uwamupuswisye sile a Yeosyeba nyinasenge. Yeosyeba wiyo wali umwana wakwe Yolamu nupya wali a kaci wakwe Aaziya. Yeosyeba wapuswisye Yoasyi mwi umba lya ana ya mwene yao yano yakomolwanga, nga aya amufisa pamwi nu mulezi, mu muputule wa kulala mwenemo. Umuputule uo wayelile mu ng'anda yaku pepela mwenemo, mumo muno Ataliya atange amulole nu kumukoma.

2 Milandu 13:8

“Acino fwandi mwemo mwemuno mukalonda ukulwisya uwene uno Yawe umwisikulu watupeela swe amu mupanda wakwe Davidi. Mwatimukwata ivita ivivule ni vyuma nyanya ivyapangwa na zaabu, vino Yeloboamu wapanga ivikoline na ana ya ng'ombe apakuti avino mwapepa.

2 Milandu 21:7

Lelo nanti cali vivyo Yawe atalondanga ukukoma akazi kakwe Davidi yonsi pamulandu wa upangano na isi Davidi, nupya wamulavile kuti ali nu kupeela Davidi na izikulu ulukozyo lwa manda pe.

2 Milandu 28:5

Caleka Yawe Leza wakwe amupeela mu makasa ya mwene waku Alamu. Lyene aina Alamu iyamucimvya nga yasenda na antu yakwe avule uku Damasiko wa anyepwe. Wene wapilwe nu mu makasa kwene ya mwene waku Izlaeli, wiyo uwamucimvizye wakwe cimwi apakukoma antu nyanya akwakwe.

Masamu 21:11

Nanti yangezya ukukupangila iviipe, nu kuteyanya amapange aipe ali yonsi, yalaposiwa sile.

Masamu 83:3

Yene yakupanga umu umfisolo ivyakucitila antu yako. Yatiyumana akapi apa kupingila antu yano wemo.

Mapinda 19:21

Amapange yavulisya umu mwenzo wa muntu, lelo amapange ya Mwene yene yakafikiliziwa.

Ezaya 7:1

Lino Aazi umwana umonsi wakwe Yotamu, umwana umonsi wakwe Uziya, wateesile impanga yaku Yuda, kwakatwike inkondo. Awe mukwai Lezini umwene waku Alamu pamwi na Peka umwana umonsi wakwe Lemaliya, umwene waku Izlaeli, iyaya ku kuzanza umusumba wa Yelusalemu, lelo yaposiwa ukuupoka.

Ezaya 7:5

Umwene waku Alamu pamwi nu mwene waku Efulemu yatiyapingila Aazi. Yene yavwanga yati,

Ezaya 7:7

Lelo Yawe Simwandalali akuti, ‘Ivintu vii vitalacitika, nupya vitalayako.

Ezaya 8:6

“Apamulandu wakuti antu yaa yatiyakana amanzi amu kaluzi ka Syiloa, yayo akapita cimyamya, pamulandu sile wakoopa Lezini nga nu mwana monsi wakwe Lemaliya,