Ezaya 7:4 - Amazwi Yakwe Leza 2013

⁴ Uye ukamuceule, umunene ateke umwenzo, atuvwa intete nupya atasakamala. Pano icipyu ca mwene Lezini na antu yakwe aina Alamu, ni cipyu ca mwene Peka umwana wakwe Lemaliya vitange vicite umuntu nanti cimwi. Pano antu yayo yali sile wa cunsi icikufutumuka uku tusonsololo twili.

Ezaya 7:4 ပူးပေါင်းရင်းမြစ်များ

2 Yamwene 15:27

Mu mwaka walenga amakumi yasano na iili uwa kuteeka kwakwe Azaliya umwene waku Yuda, Peka umwana umonsi wakwe Lemaliya walasikwe apa wene mu Samaliya. Nga wateesile umu musumba wa Samaliya imyaka amakumi yaili.

2 Milandu 20:17

Citalingine kuti mukalwisye pakwene. Mwemo mukikale celu, ale mukuceleka nu kulolelela vino Yawe alamulwila ulwi uu mwensi mwe ikazi aku Yuda nu ku Yelusalemu. Mutuvwa intete nanti kutovoka. Mutondo muce mufume mukalwe nayo, nga Yawe nawe alaya namwe pee.’”

Ezaya 10:24

Caleka, Yawe Wamaka yonsi wavwanga wati, “Mwe antu yane mwemuno mukaikala umu Zioni, mutezya ukoopa aina Asilya lino yene yakumupolola ni ntuwa nanti ukuzunzula umukota pano muli, ndi vino aina Eguputo yacitanga.

Ezaya 30:15

Ala nemo ne Leza Wamuzilo wakwe Izlaeli, nkumunena mwe antu nati, “Welulukini sile kunondi. Mwamfukilila ningo. Lyene alino mumakwatanga amaka nu kwikala mumaikala ukwaula kusakamala nanti cimwi.” Lelo mwemo vivyo avino mukakana.

Ezaya 30:7

Uwazwilizyo uno ukafuma uku mpanga ya Eguputo uwa ciwelewele sile. Icaleka fwandi izina lino natemela Eguputo ilya misuli yakwe, ilyakuti, “Laabu Mulya sile.”

Ezaya 35:4

Nenini atovoke umu mwenzo muti, “Posyini mutaoopa! Lolini Leza winu akwiza. Akwiza ku kumulandwila. Wene akwiza ku kumukulula.”

Ezaya 37:6

“Kanenini umusambazi winu ukuti Yawe wavwanga wati, ‘Utuvwa intete apa mazwi yamunyambo kunondi yano watuuvwa, amazwi yano aomvi ya mwene waku Asilya yatiyavwanga.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 7:1

Lino Aazi umwana umonsi wakwe Yotamu, umwana umonsi wakwe Uziya, wateesile impanga yaku Yuda, kwakatwike inkondo. Awe mukwai Lezini umwene waku Alamu pamwi na Peka umwana umonsi wakwe Lemaliya, umwene waku Izlaeli, iyaya ku kuzanza umusumba wa Yelusalemu, lelo yaposiwa ukuupoka.

Ezaya 7:8

Pasi pano impanga ya Alamu italuta Damasiko, umusumba wa mwenemo uku maka. Nanti sile umusumba wa Damasiko utaluta Lezini amaka, umwene wauko. Aina Izlaeli nayo apa myaka amakumi mutanda na isano ale yasansantika, umutundu wao utalalemana foo.

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

Ezaya 8:4

Pano alala mwana atacili wamanya ukwama ati, ‘Tata’ nanti ‘Mayo’, mwene waku Asilya ale wasenda mpiti ivyuma vyaku Damasiko ni visampwe vyonsi vyaku Samaliya.”

Ezaya 8:6

“Apamulandu wakuti antu yaa yatiyakana amanzi amu kaluzi ka Syiloa, yayo akapita cimyamya, pamulandu sile wakoopa Lezini nga nu mwana monsi wakwe Lemaliya,

Nyimbo zya ndosya 3:26

Fwandi cazipa wakwe cimwi ukuteeka imyenzo lino tukulolela, lilyo lino tukulolela kuti Yawe aliwe atutuule.

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Zakaliya 3:2

Alino umungeli wakwe Yawe anena Satana ati, “Si Yawe angala akupezye! Yawe uwasolwile Izlaeli, aliwe akukalipile! Uzye umuntu wiyo asi sile wa cisonsololwa cino yasompwile apa moto?”

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Mateo 24:6

Muluvwa inkondo ni mpupilizi zya nkondo kutali, lelo mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Malango 20:3

‘Mwe ina Izlaeli, muvwikisye! Ilelo mwatimwaya ku nkondo. Mutezya ukoopa anisi inu nanti ukutovoka, nanti ukuleka ukuti amano inu yapelengane.

1 Samueli 17:32

Davidi anena Saulo ati, “Mwene wakwisaci, utaleka umuntu nanti wenga aoope umwina Filisti wii. Namaya nkamulwisye.”