Ezaya 66:5 - Amazwi Yakwe Leza 2013

⁵ Uvwini kuno mwemuno mukaoopa ne Yawe! Anyonko, yano yamupata, yano yamusuula pamulandu sile ni zwi lyakwe nene, yakamuwela ala yakuti, “Ale tumamulozyanga vino mumasansamukanga. Yawe kamulange tuvwe vino wacindama na vino angamupususya. Kwene antu yayo yalazewanilapo sile!

Ezaya 66:5 ပူးပေါင်းရင်းမြစ်များ

1 Yamwene 21:29

“Uzye watulola vino Aabu waicefya? Pa kuicefya kuno wene waicefya pa manso yane, ntalamuletela imipamba amanda yonsi yano alikala pano nsi. Lelo ndaletela ang'anda yakwe imipamba mu manda ya umi wa mwana wakwe umonsi.”

2 Yamwene 22:10

Nupya Syafani alunda na mazwi ati, “Ulupapulo aelu luno simapepo Hilikiya waliwampela.” Nga Syafani awelengela umwene ivyali mu lupapulo lulu, ale akupundisya.

2 Milandu 34:27

pasi pano waicefizye, wazenzuka pa manso yane. Walepozile ni vyakuzwala vyako apakulanga ulanda. Wemo uvwile vino napingwile Yelusalemu na ikazi yamwenemo. Nemo fwandi natinuvwa ipepo lyako.

Ezila 9:4

Natenzi pansi mpaka ukufika amanguzi. Lyene antu akweti icoopo ku mazwi yakwe Leza wa ina Izlaeli yalola ukuntataila kwa ntalanganyi zyawelulwike ukufuma ku uzya, yatandika ukwiza kunondi nu kulongana.

Masamu 119:120

Umwili wane ukuzakaza pamulandu wa koopa wewe, nemo indi ni ntete zya upinguzi wako.

Masamu 38:20

Pa visuma vyane yene yakancitilapo ui. Yakundwisya nemuno nezyanga ukucita ivisuma.

Mapinda 13:13

Yayo akasuula ukusundwa yakailetelela, lelo akawaka malango yakapoka icilambu.

Lwimbo lwakwe Solomoni 1:6

Mutalola kufita kwane kuu, pano ilanzi ilyangoca. Yakalume yane yansokile, yancita umuomvi wa calo ca matingi, icalo cane kwene cino natazyela.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Ezaya 5:19

Apali ponga na yayo atemwa ukuvwanga yati, “Si Leza ale acincile ale, apitisye ukucita vino akalonda ukucita, uleke tumulozye. Leza wamuzilo uwa ina Izlaeli si alukucita vino wapanga ukucita! Katulole ivyaya mu mano yakwe.”

Ezaya 60:15

“Lyene fwandi antu yatalatala yakutazyele, nanti ukukusuula ndi vino yakupasile nu kukufumyako amano. Nemo ndakucindamikila calimwi. Nupya umwako kwene ali muno yalasansamukila amanda yonsi.

Ezaya 65:13

Icaleka Yawe Simwandalali akuti, “Aomvi yane yalalya vyakulya, lelo mwemo mulikala ni nzala. Aomvi yane yalamwa vyakumwa, lelo mwemo mulacula uku lusala. Mulaapita sile nsonyi nsonyi lino auzo yakupita ni nsansa.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Yelemiya 36:16

Walanga sile wamala kuyawelengela, yatandika kulolekesyanya ntete ntete. Alino yanena Baluki yati, “Umulandu uu tulinzile twaufisya ku mwene Yeoakimu.”

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.

Mateo 10:22

Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Luka 13:17

Lino walanda vii, anisi yakwe yaya ni nsonyi, lelo antu yonsi ala yakuzanga pa vintu vyonsi vyakuzunguka vino wacitanga.

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Yoane 9:34

Nao yamunena yati, “We muno wavyalwa nu kukula mu maifyo, uzye ukwelenganya vino ungasambilizya sweswe?” Alino yamuzinga mu ng'anda ya mapepo.

2 Tesalonika 1:12

Mu musango uu izina lya Mwene Yesu lilapelwa lulumbi kufuma kunomuli, nga namwe kufuma kunoli, kupitila mu cikuku cakwe Leza witu ni ca Mwene witu Yesu Klistu.

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

1 Yoane 3:13

Acino inane, mutazunguka ndi antu amu nsi ii yamupata.