Ezaya 66:4 - Amazwi Yakwe Leza 2013

⁴ Ali cino fwandi ndayasolwela amacuzi, nu kuyaletela vino yakaoopesya ukuluta. Pano lino nayamile kusi wino wanjaswike. Lino nalanda kusi wakuti auvwe. Yene yakacita iviipe mu manso yane nu kusansamukila muli vino nemo nasoka.”

Ezaya 66:4 ပူးပေါင်းရင်းမြစ်များ

2 Yamwene 21:2

Manase wifyanga apa manso yakwe Yawe. Wene wacitanga ivintu ivyawinyi vino ainamasi yacitanga, amu nko zyuze zino Yawe wazinzile umu mpanga yao apakuti aina Izlaeli yikale mwenemo.

2 Yamwene 21:6

Manase atoola nu mwana wakwe wenga umonsi, amupeela wa mpolelwa yakoca. Alino atandika na uncimya nu kusapola nga nu kuuzya ku antu ya malele na yasing'anga pamwi na yasikangulu kwene. Fwandi wene waifizye sana kuli Yawe amusosya wakwe cimwi.

Masamu 81:12

Caleka nani njata vivyo kwene yasyala aumalale imyenzo, pakuti yaicitila vino aisikulu yakulonda.

Mapinda 1:24

Apakuzana ukuti namwamile namwe mwakana ukuyela, namusinizyanga namwe mwansuuzile,

Mapinda 10:24

Antu akacita vyaololoke yakakwata vino yakulonda, lelo antu aipe yalakwata ivikayaletela intete wakwe cimwi.

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Ezaya 59:15

Icumi caticicepesya cakuti umuntu umwi ndi wata ukwifya ala lyene wene wailetelela. Vyonsi vivyo ali vino Leza walola nu kusoka wasoka, pamulandu wakuti kusi nanti umwi akacita vyaololoke.

Ezaya 59:7

Mwemo insita zyonsi sile mukasimwilila uku kucita iviipe. Mukapamviwa ukuzwisya uwazi wakwe yayo akaele. Imyelenganyizizye inu iya lufyengo sile. Inzila zinu izya kutamola nu kukuululula.

Ezaya 65:12

Mwemo mwensi mulakomwa ku lupanga, nupya yalamufyula mwensi pyu, pamulandu wakuti mwakananga ukunjasuka lino nemo namwamanga. Mwakananga nu kunguvwa lino nemo namunenanga. Mwatemilwe sile ukumfutatila nu kucita iviipe.”

Ezaya 65:2

Nemo lyonsi naya umwi umuiteyanye ukuzengela antu yaa, nanti yene yakaluvyanyizizya sile itolo, nu kuicitila vino aeneco yaitemilwe.

Ezaya 65:3

Yene yakansonsya umwenzo ku mufulo sile. Impolelwa zyao yene yakazituulila pa tuvuwa, twa antu yano yatamanya, tuno yakakuula mu vyalo vyao, ali muno yakafutumwila nu ubani.

Ezaya 65:7

pa uyi wao na pa uyi wa vikolwe vyao kwene. Yene yakafutumwila ubani pa tuvuwa, tuno ainamasi yakapepelapo utuluwi twao mu myamba, nu kunsaalula ali cino yakansaalwila. Fwandi cati ciyana ukuti nemo njapase.”

Yelemiya 35:17

Caleka fwandi Yawe Wamaka yonsi Leza wa ina Izlaeli wavwanga wati, “Ndaletela aina Yuda na ina Yelusalemu yonsi isyamo lino nayanenyile. Pasi pano nemo nayanenyile, lelo yakana ukunguvwa. Nayamile nayo yakana ukwaasuka.”

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Yelemiya 7:30

“Antu yakwe Yuda yatiyacita iviipe pa manso yane. Ivyalanda ne Yawe. Yene yatiyika ivyauwelewele vyao, ivya muselu mu Ng'anda yane ikulu nu kuikowezya.

Ezekelo 11:8

Uzye mwemo mukoopa ulupanga? Endi, nemo namaleta ivita ivimaiza namalupanga ku kumuzanza. Ivyalanda Yawe.

Ezekelo 14:4

“Caleka uyanene ukuti ne Yawe nkulanda ukuti, ‘Ndi cakuti umwina Izlaeli umwi ali wensi wika umwenzo pa tuluwi twakwe nu kwika amanso yakwe pa vintu vyuze vyakupumika kweneko, nga lyene aya ku kuuzya kuli kasema, lyene ne Yawe ne mwisikulu ndamwasuka uwasuko ulingine nu upefi wa tuluwi twakwe.

Ezekelo 20:25

Fwandi nani lyene ali pakuyapeela amasunde yano yatali amasunde yampomvu, ni vipope ivitali vipope vya mpomvu, ivintu ivitange viyaletele uumi.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

1 Samueli 8:19

Lelo antu iyakana ukutezya vino Samueli walandanga. Yene yavwanga iyati, “Awe! Swemo tukulonda umwene uwakututeeka.