Ezaya 61:3 - Amazwi Yakwe Leza 2013

³ Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Ezaya 61:3 ပူးပေါင်းရင်းမြစ်များ

Esita 8:15

Modekai nawe wafumile umu musumba, ala watazwala insalu zya wene iziyenzulukile ni zitiswe, alino ni ngala ya wene yakwe zaabu iikulu. Ukwikapo ni cikuwalo cakwe zaabu ica mingololozi. Umu musumba monsi umu Susa ala ya kupunda nu luzango ulukalamba.

Esita 9:22

Ali manda yano Ayuda yakulwilwe uku anisi yao. Amanda yamwi yano ulanda wasangwike uluzango nga nu kulila kwao kwasangwike insansa. Wayalembela nu kuti yangazanga nu kucita amalila mu manda yayo, nupya yapeelana ivyawila nu kusakamala alanda.

Masamu 104:15

nu kusuta waini uwakumusansamusya, aenga na mafuta amu olivi akumuyemvya umwili, nga alino ni cilyo cakumupeela amaka.

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Masamu 23:5

Wemo ukanjimula pa manso ya anisi yane. Ukampaka na mafuta uku mutwe wane, nu lwako lwane iluzula nu kusambela!

Masamu 30:11

Awewe ukasenula impoma yane ukuya iciila ca nsansa. Ukanzula umupango wa ndosya nu kunjika umu nsansa.

Masamu 30:12

Ali pakuti umwenzo wane ukulumbanye ukwaula ukutonta. Caleka we Yawe Leza wane namakuwanzyanga amanda yonsi.

Masamu 45:7

Wemo watemwa ivintu ivilungame, wapata ivintu iviipe. Ali mulandu kwene uno Leza, uwaya Leza wako wakusolwile nu kukupelesya insansa izivule ukuluta apa yauzo.

Kasambilizya 9:8

Lyonsi uwazwala ivitiswe, nu kupaka amafuta apa manso, apakulanga insansa nu luzango.

Ezaya 12:1

Mu wanda ulya antu yalimbila ulwimbo luu, yati, “Nakutaizya we Yawe! Wansokile, lelo icipyu cako caticisila. Watumyalalika umwenzo wane.

Ezaya 26:2

Yulini imilyango muleke antu ya mutundu ulungami yingile, uno ukalondela ivyacumi.

Ezaya 44:23

Mwe viumbwa vyamu mayulu, imbilini ni nsansa pano Yawe wataomba. Zangini mwe antu pano nsi, mwe myamba ni mitengo, kumwi ni miti inu yonsi, pundini ni nsansa, pano Yawe watakulula Yakobo. Watalanga ululumbi lwakwe umu mpanga ya Izlaeli.

Ezaya 46:13

Ala mwandini uwanda wakucimvya natimbupalamika. Pasikulengela foo. Nemo nsikusumba akasita foo, Apakupususya antu yane. Nemo nasya mpususye Yelusalemu, incindamike na ina Izlaeli aya mwenemo.”

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Yelemiya 31:13

Alino umukazyana alasansamuka pa kucina, alumendo na akote yalazangila kumwi. Ndasangula ukulosya kwao insansa, ndamyalalika imyenzo yao. Apa ulanda wao ndausenula uye uluzango.

Ezekelo 34:29

Ndamezya ivyakulya ivya lulumbi mu vyalo vyao, mutalaya nupya ukucula uku nzala mu mpanga ni mitundu italayasuula nupya.

Ezekelo 47:7

Lino nawela indola imiti iingi iyali pa cituntu ca luzi imbali zyoili.

Zakaliya 3:5

Lyene umungeli wilya anena yayo aimi ati, “Zwikini Yoswa icisote iciswepe uku mutwe.” Nayo avino yacita, yamuzwika insalu ziswepe, ala nu mungeli aimi apipi.

Mateo 15:13

Ayanena ati, “Muti onsi uno Tata wa mwiyulu atalemile ulipulwa kumwi ni misisi.

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Luka 15:22

Lelo isi aama aomvi yakwe ati, ‘Pitisyini, letini zuwa umwingila usuma kuluta pali yonsi mumuzwike. Mumuzwike ni mbalaminwe ku munwe ni ndyatu ku ngazo zyakwe.

Yoane 15:8

Tata akalumbanyiwa ndi mukuseeka vizao vingi. Mu musango ndi uu, mulaya alondezi yane mu cumi.

Yoane 16:20

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

2 Tesalonika 1:10

Cii cilacitika pa wanda ulya lino Mwene aliza kuti apelwe lulumbi ku antu yakwe yonsi nga nu mucinzi kufuma kuli yonsi ataila. Namwe kwene mulapendelwako, pano mwataile vino twamunenyile.

Ayebulai 1:9

Wemo watemwa ulungami wapata lufyengo. Caleka Leza, Leza wako, watakupaka na mafuta ya kuzanga kuluta auzo.”

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Petulo 4:14

Alongo amwemwe ndi cakuti antu yamutuka pamulandu wakulondela Klistu. Cii cikulanga ukuti Mupasi wa lulumbi, Mupasi wakwe Leza ali namwe.