Ezaya 6:2 - Amazwi Yakwe Leza 2013

² Apapela yakwe paimi yaselafimu, ala yakulunkuma sile uku cimbilimbili ca moto. Cila wenga wakweti amapa mutanda, mapa yaili ala yatiyavimba apa manso yao, nga na yaili ala yatiyavimba ingazo zyao, nga amapa asyala yaili ala akupapukila kweneko.

Ezaya 6:2 ပူးပေါင်းရင်းမြစ်များ

Utandiko 17:3

Lyene Abulamu afukama pansi afupime, nga Leza amunena ati,

1 Yamwene 19:13

Pakuvwa vivyo, Eliya avimba icikuwalo cakwe pa manso, afuma aimilila na pa mulyango wi cele. Izwi ali pakumunena liti, “Uzye icani cino ukulonda kuno we Eliya?”

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

1 Yamwene 6:24

Ilyapa lyonga lyakwe kelubi lyatalimfile amamita 2 nu kucila penepo. Kuli kuti amamita 4 na citika ukufuma pa mpela yi lyapa lyonga ukuyafika pa mpela yi lyapa lyuze.

1 Yamwene 6:27

Awe fwandi ali vino wateesile yakelubi mukasikasi ka muputule wa Ncende Yamuzilo, ale yatiyanza amapa mu musango wakuti lyakwe wenga ale ilisinta ku lung'umba na lyakwe muze nalyo ku lung'umba. Alino lyene amapa yao yoili nayo yatiyakomenkana apakasi ka muputule.

1 Yamwene 8:7

Amapa yakwe yakelubi yano yaanzilwe, ayano yavimba Mbokosi kumwi ni mitembo ino yaisendile penepo.

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Yobo 1:6

Uwanda umwi, ana yakwe Leza amwiyulu yizile uku kupempula Yawe. Na Satana kwene apano wali.

Yobo 15:15

Ala mwine Yobo, Leza atataila angeli yakwe, nanti akwiyulu kwene, pano nayo kwene yataya amalilike foo.

Yobo 4:18

Fwandi Leza atataila umwi uwamu yaomvi yakwe kwene. Nanti umu angeli yakwe kwene, namo kwene wazanamo iciponge.

Masamu 103:20

Lumbanyini Yawe, mwe angeli yakwe mwensi, mwe yacindami yamaka mwemuno mukafikilizya amasunde yakwe, mwemuno mukayela amazwi yakwe ndi wamwama.

Masamu 104:4

Umu muza ali muno inkombe zyako zikapitila nga ni vimbilimbili vya moto ali vino ukaomvya wa yaomvi yako.

Masamu 18:10

Alino aya aikala pali yakelubi nga apapuka. Avwelukila zuwazuwa apa mapa ya muza.

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Kufuma 25:20

Mapa yakwe yakelubi yayo yakavungulukile papela ya ntupiko nu kuvimba ntupiko ya Mbokosi ya Upangano. Yakelubi yace yalolenkane aisikulu, ni vinso vyao ale vikulola pa ntupiko ya Mbokosi ya Upangano.

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Kufuma 37:9

Maapa yakwe yakelubi ayavungulwila papela ya ntupiko, yavimba ntupiko ya Mbokosi ya Upangano. Yakelubi yalolenkine aisikulu, ni vinso vyao vilola pa ntupiko ya Mbokosi ya Upangano.

Ezaya 6:6

Alino selafi wenga apapukila panondi, aiza ni kala lya moto lino waliwapala nu lumano pa kavuwa.

Ezekelo 1:11

Vivyo ivyali vinso vyakwevyo. Vyene vyanzile amaapa umupela. Cila ciumbwa cali na maapa yaili, asuntinkane ni lyapa lya ciumbwa cuze, yauze yaili yakufile umwili.

Ezekelo 1:24

Nga nuvwa ni congo ca maapa, lino vikupita, ala cili wa ciunda ca manzi amukuku aingi, kwati izwi lyakwe wiyo Wamaka yonsi, nupya lyali wa congo ca mpuka ya vita. Ndi vimilila iviponya amaapa.

Ezekelo 1:4

Awe indolekesya nga ndola icipupu ukufuma ku katutu, caleta ikumbi likalamba ilizingulwikwe nu luswepo, nu moto umwafumanga kumyantula kwa mvula.

Ezekelo 1:6

Lelo cila ciumbwa cali ni vinso vini, na cila conga cakweti amaapa yani.

Ezekelo 1:9

Amaapa yaviko yasuntikananga lyonga ku lyuze nupya vitasenukanga nanti kupiliuka pa kupita. Cila conga calungamanga sile ku nkolelo yakweco.

Ezekelo 10:16

Lino ya kelubi yaya ukunkolelo, imipeto nayo iya ukunkolelo. Nupya lino yakelubi yanza amapa pa kukatuka, imipeto nayo kusi ukufuma umu mbali yakweyo.

Ezekelo 10:21

Fwandi cila wenga wakweti ivinso vini, amapa yani, navino vyalolekanga wavizanza vi kasa lya muntu umwisika lya mapa.

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Danieli 9:21

Lino ncili nkupepa, Gabilieli, wino naweni mu cilolwa ca nkolelo, afuma akupapuka aiza pano nali. Yali insita yakupeela impolelwa ya manguzi.

Zakaliya 3:4

Nga alino umungeli wilya anena yayo aimi inkolelo yakwe ati, “Simulini, zulini umuntu wiyo insalu zyakwe zya vikwi.” Lyene umungeli anena Yoswa ati, “Walola, nemo nakufumizya uyi wako nga lyene namakuzwika insalu iziswepe.”

Luka 1:10

Lyene iumba lyonsi lya antu lyali panzi, ala likupepa pa kasita ka koca ubani.

Ayebulai 1:7

Lelo pa angeli Leza wavwanzile ati, “Leza akacita angeli yakwe ukuya wa miza, na aomvi yakwe nao yaya vimbilimbili vya moto.”

Umbwilo 14:6

Nupya ndola mungeli muze akupapuka mwiyulu papelapela, ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

Umbwilo 7:11

Angeli yonsi iimilila kuzinguluka cilimba ca wene, nu kuzinguluka aikolo nga ni viumbwa vyaumi vini. Alino yafukama nu kukontamika ivinso vyao nkolelo ya cilimba ca wene, yapepa Leza yati,

Umbwilo 8:13

Lyene ndola, nga nuvwa lyang'anda, wino walelanga papela mu lwelele akuti, “Kalanda! Kalanda! Kalanda kuli yao yonsi akaikala mu nsi lino angeli yatatu asyala nayo yasya yalizye ntandala zyao.”