Ezaya 53:3 - Amazwi Yakwe Leza 2013

³ Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Ezaya 53:3 ပူးပေါင်းရင်းမြစ်များ

Masamu 69:29

Lelo kwene nemo nene mulanda, nupya inkucula. We Leza sinkatusye nupya untuule?

Masamu 88:4

Nkupendelwa pali yayo aikala umu malindi, ntakweti amaka.

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Ezaya 50:6

Nafutatile itundu lyane kuli yayo angumanga, na matama yane nisile kuli yano yanjipanga vilezu Ntafisanga usyu wane kuli yayo ansaalulanga nu kunswila amati.

Ezaya 52:14

Antu aingi cayaputwile umusana pa kumulola, pano icata cakwe cali icivulungane apakumutakanya kwati asi muntu.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Ezaya 53:4

“Umucumi wene waitwisile umweneco amacuzi itu, yayo yano swemo twali nu kuculako. Lelo swemo twamutunzile kuya wi syamo, twati wailetelela sile, ali cino Leza wamucuzizye.

Mika 5:1

Lyene konganikini impuka zya vita, mwe ikazi yaku Yelusalemu, pano anisi yatiyatuteyamila. Yene yakupoola intunguluzi ya ina Izlaeli umunzekete ni mbuungo.

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Mateo 26:67

Lyene yamuswila mati pa manso nu kumuma. Yamwi nao yamuma impi.

Mateo 27:63

Yamunena yati, “Musambazi, tukwiusya vino musomvi wilya wavwanzile, lino atali kuti afwe ati, ‘Pacisila ca manda yatatu ndazyukuka nupya.’

Mako 10:33

Ayanena ati, “Uvwini, tukuya ku Yelusalemu kuno Mwana wa Muntu alakoopelwa kuli yasimapepo akalamba na kuli yakasambilizya ya Masunde, nu kumuvunuka kuti afwe. Alakoopelwa ku Akulukuwa.

Mako 10:34

Yalamusaalula, yalamuswila mati, yalamuma ivikoti, nu kumukoma, lelo pa wanda wakulenga yatatu alazyukuka aye umumi.”

Mako 14:34

Alino ayanena ati, “Umwenzo wane wanyomelwa nu ulanda pipi ni mfwa. Syalini pano nu kupempula.”

Mako 15:19

Lyene yamupoola ni ntuwa pa mutwe, yamuswila mati nu kumufukamila kwati yakumucindika.

Mako 9:12

Yesu nawe aasuka ati, “Cumi, Eliya akwiza inkolelo kuti alungike vintu vyonsi. Uzye pacani amalembelo yakati Mwana wa Muntu ali nu kucula cuze nga nu kuzewana?

Luka 16:14

Lyene Afaliseo lino yuvwa vii yasoweka Yesu, pano yatemilwe vyuma.

Luka 19:41

Lyene lino wapalama ku musumba, aulolekesya, nga aulilila,

Luka 8:53

Lelo yene yamuseka, pano yamanyile ukuti umwana wiya watafwa.

Luka 9:22

Caleka ayanena ati, “Mwana wa Muntu ali nu kucula cuze, nupya aikolo na yasimapepo akalamba, na yakasambilizya ya Masunde yalamukana nu kumukoma, lelo pa wanda wakulenga yatatu alazyukuka kufuma ku afwe.”

Yoane 11:35

Yesu alila.

Yoane 8:48

Ayuda yuzya Yesu yati, “Uzye tutavwanzile ningo lino twati wewe Musamaliya, nupya uli nu mupasi wankota munuli?”

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.