Ezaya 51:9 - Amazwi Yakwe Leza 2013

⁹ Katuka fwandi zyuka we Yawe Leza witu! Ndanga utwazwe kweneko, utupususye uku maka yako. Kalambana ndi vino wacisile uku myaka yampiti mpiti. Uzye asi wewe kwene wasandozile icilyanyi ci Laabu tupimfya tupimfya?

Ezaya 51:9 ပူးပေါင်းရင်းမြစ်များ

Yobo 26:12

Amaka yakwe Leza alio yamyalalike yemba, na maka yakwe kwene alio yalenzile ukuti akome icilyanyi ci Laabu icapa luzi.

Yobo 9:13

Ukali wakwe Leza usiwelela icisila. Mulole sile vino wononyile anisi yaya yano yavwananga na Laabu, icilyanyi iciipe capali yemba cici.

Masamu 21:13

Twakulumbanya we Yawe, katuka na maka yako! Tulaimba nu kulumbanya amaka yako.

Masamu 44:1

We Leza swemo twayuvwilile swenga na matwi itu, ivikolwe ali vino vyatulandile apa vintu vikulu vino wacisile umu nsita yao, umu manda yampiti.

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

Masamu 44:23

Sizyuka, we Yawe! Icani fwandi cino walalila utulo? Katuka! Utatutazyela.

Masamu 44:24

Icani cino ukufisama kunotuli? Utailila amacuzi itu nu ku malanda itu!

Masamu 59:4

Ayayo yakwiza ulwilo yaiteinye, asi pamulandu wakuti nene ninduvyanya cimwi Mwene, awe cumi kusi nanti cimwi.

Masamu 7:6

Katuka, we Yawe, ni cipyu cako. Nkuti katuka we Leza wane! Lwisya ukali wa anisi yane, pano wemo ulungi auno ukalonda kuti yacite.

Masamu 77:5

Nkaelenganya lyene amanda yampiti, nu kwiusya imyaka yampiti na mpiti.

Masamu 78:65

Nga alino Yawe wazyuka umutulo, kwati umusambazi wino wasantamuka umu tulo, uwala kolike waini.

Masamu 87:4

“Lino nemo indatantika antu ya mitundu ino yamfukilila, ndalunda penepo Laabu na ina Babiloni. Alino aina Filisti, aina Tuli na ina Etiopia. Nayo kwene fwandi yalaikala umwako we Yelusalemu.”

Masamu 89:10

Awewe waputwile Laabu paili wa cala, upasa na anisi yako, uku maka yako sile.

Masamu 89:11

Iyulu ilyakwako ni mpanga iyako. Awewe wapanzile Insi yonsi kumwi na vyonsi ivyaya mwenemo.

Masamu 93:1

Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Ezaya 27:1

Mu wanda ulya, Yawe alatola ulupanga lwakwe ulukalipisye, nupya alakoma nu kupezya ali luno alapezezya icilyanyi cica ci Leviatani, cino cikanyunkuta apakupita, cino cikaivyonganya nupya cino cikaikala muli yemba.

Ezaya 30:7

Uwazwilizyo uno ukafuma uku mpanga ya Eguputo uwa ciwelewele sile. Icaleka fwandi izina lino natemela Eguputo ilya misuli yakwe, ilyakuti, “Laabu Mulya sile.”

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Ezaya 51:5

Ndakalauka zuwazuwa ukuleta upinguzi wane, nu ufyusi wane, uliza wa luswepo. Ikasa lyane lilapingwila imitundu. Aikala umu vilila yataila kunondi, yataila amaka yane.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Ezaya 53:1

Antu nayo ali pakwasuka yati, “Wino angazumila ivintu vii vino tukulanda aweni? Nga wino angiluka ukuti Yawe ali wino akucita cii, aweni?

Ezaya 62:8

Yawe watalapa umulapo. Alino ukwi kasa lyakwe lilunji, alaufikilizya! Wene atalatala apeele cakulya cakwe ku anisi ya antu yakwe. Aenyi nayo yatalatala yamwe waini wa antu yakwe wino yaifenile.

Ezekelo 29:3

Vwanga kunoli uti, Yawe Simwandalali walanda wati, lyene namakufutukila we Falao, umwene waku Eguputo, mung'amba mukulu we, wemuno ukalambalala mukasi kakwe Nailo nu kuitanka uti, ‘Nailo ali cuma cane, nene namupanga.’

Mika 7:15

Yawe akuti, “Ndayalanga ivizungusyo vyane, wakwe vino cali mu manda yano yafumile mu Eguputo.”

Habakuku 2:19

Kalanda ku muntu wino akanena umuti ati, ‘Zyuka!’ Nanti iciliwe ati, ‘Katuka!’ Uzye akaluwi nako kangamunena icakucita? Nanti angala antu yangakapomela siluva na zaabu, lelo musi umi muno kali.

Habakuku 3:13

Wemo wafumile nu kuya kulula antu yako, ku kutuula kateeka wino wasolola. Wemo wakomozile intunguluzi zya antu ankota, nu kulovya alondezi yakweyo yonsi pyu.

Zakaliya 10:11

Lino yalacululuka pakulamba yemba, nemo ne Yawe ndamyalalika amaimbi, namatenga yonsi amu luzi lwa Nailo yalapwa. Cilumba ca antu amu mpanga ya Silya cilasila, na maka yakwe yamwene amu Eguputo nayo yalasila.

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Luka 1:51

Mwene wataomvya ikasa lyakwe lya maka pa kusalanganya antu a myenzo ya cilumba.

Yoane 12:38

Pakuti vifikiliziwe vino kasema Ezaya wavwanzile ati, “Mwene, uzye aweni wataile Ilandwe lino twavwanzile? Uzye akuli weni kuno Leza wasokolwile maka yakwe?”

Milimo 7:7

Lelo ndaleta upinguzi pa antu yano yalaombela, na pacisila cakwe cii yalafuma mu mpanga ilya nu kumpepa mu cifulo cii.’

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Umbwilo 11:17

yati, “We Mwene Leza uwa maka onsi, we muno ulipo nupya uwalipo! Twakutaizya pano watupoka maka yako nu kutandika kuteeka!

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Yakapingula 6:13

Gidyoni nawe amuuzya ati, “Uwi! Musambazi! Ndi cakuti Yawe waya naswe, uzye pacani cino imipamba yonsi ii yatuponela? Cili uli fwandi pa vintu vyonsi vino yatata yatunenyile, vino Yawe wacisile pa kuyafumya mu Eguputo? Yawe watatutazyela nu kuleka aina Midyani yatucuzya.”