Ezaya 5:8 - Amazwi Yakwe Leza 2013

⁸ Kalanda kuli mwemwe mwemuno mukalunda kukuula amang'anda pa mang'anda yano mwakwata. Apa vyalo vino mwakwata mwemo mukalundilapo navyuze, icakuti lyene auzo iyasuka yuulilwa napakwikala. Lyene mwemwe mwenga sile mwasuka mwikala mu mpanga.

Ezaya 5:8 ပူးပေါင်းရင်းမြစ်များ

Yobo 15:28

awe nce, akaiza azana ukuti ali umu matongwa nu kwikala mu vitotela na vyonsi vino wakuuzile ivisanguka ivipompa.

Yobo 20:21

Apa mulandu wakuti kutali nanti wenga uwapuswike uku kuitemelwa kwakwe, nu kukupunuka, ali cino fwandi, ni vilonkwa vyakwe kwene kutange kusyale nanti conga.

Mapinda 15:27

Umuntu wino akakumbwa ivyuma vya lufyengo akaletelela sile ing'anda yakwe, lelo wino wapata amafukakanwa alakwata uumi.

Ezekelo 11:15

“We mwana wa muntu, anyonko, kuli kuti akazi kako, auzo ali mu uzya, yonsi ang'anda yakwe Izlaeli, ayayo yano antu aikala mu Yelusalemu yakulandapo yati, ‘Antu yonsi yano yasendwa ku uzya yali kutali na Yawe cakuti yatange yamupepe. Acino impanga ii ndakai yatiya iyakwitu.’ ”

Ezekelo 33:24

“We mwana wa muntu, antu yano yakaikala mu matongwa yamu Izlaeli yavwanga yati, ‘Abulaamu wali sile wenga lino yamupiile impanga ii. Lelo swemo tuli aingi. Lyene fwandi impanga ii, iitu.’

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Habakuku 2:6

Lelo yao ati yalemwa yalamutumfya nu kumusausya pakuvwanga yati, ‘Kalanda kuli wino akaikolonganikila icuma cakwiya, wiyo akalonkela umu nkongole zya umfisolo. Uzye wene alatwalilila ukufika lilaci?’ ”

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [