Ezaya 5:7 - Amazwi Yakwe Leza 2013

⁷ Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Ezaya 5:7 ပူးပေါင်းရင်းမြစ်များ

Utandiko 4:10

Alino Yawe amuuzya ati, “Uzye pacani cino wacita icintu cii ciipisye? Uwazi wa munyonko ukulila kunondi ukufuma mu musili, wi zwi ilikulilila cilanduzi.

2 Samueli 7:10

Ndalondela antu yane icifulo cisuma. Ndayalasika cakuti nayo ali muno yalasyalilila umu cifulo kwene cico. Kusi umuntu aalayafumya mwenemo. Aipe nayo yatalatwalilila uku yacuzya wakwe vino yacitanga mpiti,

Yobo 34:28

Apa mulandu wakuti yapatikizye alanda ukupunda, kuli Leza, nawe fwandi ali pakuvwa ukulaizya kwao, nu kuyaasuka wayaasuka.

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Masamu 80:15

Iza sile ndu pususye umutingi uno we mweneco walemile. Akateeta ka mutingi uno wasya aka maka wakwe cimwi!

Kufuma 3:7

Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Mapinda 21:13

Wiyo akafundika umu matwi lino alanda yakumulilila, nawe kwene kusi alamusakamala lino alapunda inkuta, ati, “Tutulwe!”

Kasambilizya 4:1

Lyene ndolekesya pa lufyengo lonsi ulukacitika mu nsi ii. Antu yano yatitikiziwa yakulosya nga kusi nanti aumwi uwakuti angayazwa. Kusi nanti aumwi uwakuti ayazwe pano antu yano yakuyatitikizya yakwatisya maka.

Lwimbo lwakwe Solomoni 7:6

Iyee, vino wayemba, vino wazipisya we mukundwe wane, ala wemo pasi pakunsansamusya!

Ezaya 1:21

Iye mwe vino umusumba wacumi watiusanguka wakwe cizelele! Zioni umusumba umwazile uwololoke, ali muno lyene mwatimuzula yacikoma.

Ezaya 1:6

Ukutandikila ku mitwe ukufika sile na pa tukando, pasi nanti pamwi apasyala umu miili inu pano tungati apa puma. Imiili inu yaya sile ikuuzuluke, ni vilonda nga ni vilase vitupu. Alino navyo kusi akavifulila, ukuvinyepela nanti ukwikapo umulembo.

Ezaya 27:2

Mu wanda ulya, Yawe alailizyanya pa calo cakwe ca matingi, ati,

Ezaya 3:14

Yawe waama ivilolo vyakwe uku cilye pamwi ni ntunguluzi zya antu yakwe, nga avwanga ati, “Amwemwe kwene mukaonona icalo ca matingi, nu kufisa ivyuma vya alanda vino mwasampa.

Ezaya 3:15

Uzye apacani cino mwapokela antu yane insambu? Uzye umulandu cii uno mukuliila apina amasuku pa mutwe?” Ivyavwanga Umwene, Yawe Wamaka yonsi.

Ezaya 3:17

icilaleka ukuti Yawe ayaletela yamuseela uku mitwe yao. Yawe alaleka yakwate amapala.”

Ezaya 30:12

Lelo ukuya kwene Yawe Wamuzilo wakwe Izlaeli, walanda wati, “Apa misuli ino mwakwata kunondi, mwikalila sile ukuncuzya nga nu ucenjezi.

Ezaya 46:12

“Munguvwe kuno, mwe antu mwe, mwemuno mwakoma umu kanwa. Mwe muno mukati ukucimvya kulaya sile lyuze lyuze.

Ezaya 5:2

Watipozile umusili, afumya mwenemo amawe nga alemamo na matingi asuma wakwe cimwi. Alino akuulilila ni cimpinda, nga alino afukula nu mwakufenelamo amatingi. Alino atandika nu kulolela apakuti iviseekwa vikace. Lelo iviseekwa navyo viza vyaya sile ivikantuke.

Ezaya 59:13

Swemo twakusangukila we Yawe, twafumya amano kunuli, twakana nu kukulondela wewe we Leza witu. Swemo tukacuzya antu yauze nu kukusangukila. Vino swemo tukaelenganya ivyaufi sile.

Ezaya 59:14

Ulungami swemo twautazyela, ni vintu vyaulungi tutacikalafukile kweneko. Tukavundawila sile ivintu vyacumi lino tuli umu ncende zya uculuzi mu miseo. Ucisinka muno tuli musi pali ndakai.

Ezaya 59:4

Mwemo nanti mwaya ku vilye vya milandu, imilandu ino mukalolwela auzo iyalufyengo sile. Mwakomela sile ukusomba ufi apakuti mwemwe icilye camuyela. Mukaya kweneko ala mwatimupanga umwakufyengelekezya auzo.

Ezaya 62:5

Ndi vino umulumendo akafumalila umukazyana nacisungu, ali vino kaumba wako amakufumalila nu kwikala mumaikalanga pamwi nawe, nu luzango wakwe cimwi.

Yelemiya 12:10

Yakateeka aingi amu mpanga zyuze yatiyonona icalo cane ca matingi. Impanga yane ino itaizipila yatiyaisangula wa lwanga.

Yelemiya 24:2

Umuse onga wali na masamvu asuma sana, ungati ayano yatandikile penepo ukuca. Umuse uze nao wali na masamvu aipisye sana, atange yalikwe.

Yelemiya 50:46

Lino impanga ya Babiloni ilawa, kuluvwika icilundumusi. Antu amitundu yonsi yaluvwa impooma zya ina Babiloni.”

Ezekelo 22:29

Akama nayo yakacenjezya auze nu kuiyila vintu. Yakacuzya alanda, yakafyenga na aenyi.

Oseya 10:1

Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Habakuku 1:3

Uzye pacani cino ukulonda kuti nalukulola amacuzi kwene yaa? Uzye pacani ukuzumilizya kuti ukakasi utwalilile? Apali ponsi nkalukulola uononesi nga ni nkondo. Pali ulwete nu kupazyanya ukukalamba.

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Mateo 23:23

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapela kuli Leza cikumi ca pa vilimwa vyonsi ivikanunkizya vyakulya vili wakwe kanyenze ni vinzali. Lelo mwatazyela vintu vikulu kuluta, vyamu Masunde wakwe vii. Upinguzi wa mulinganya, mizu nu ufuma cumi. Mulinzile mwacita vii vyonsi kwaula kutazyela vimwi.

Luka 18:7

Uzye Leza atangaputwila asololwe yakwe milandu ningo, yano akamulilila umusanya nu usiku? Uzye wene alayatazyela?

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.

Malango 15:9

Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.