Ezaya 5:5 - Amazwi Yakwe Leza 2013

⁵ “Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Ezaya 5:5 ပူးပေါင်းရင်းမြစ်များ

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Nyimbo zya ndosya 1:15

“Asilika itu yonsi aakama, Yawe wayasuuzile wakwe cimwi. Wene ali pakutuma ivita vyakwiza komola alumendo itu. Antu itu yonsi ampomvu wayavungola pyu wa matingi mu cifenelo cakwe.

Ezaya 28:18

Icuvwano cino mwemo muvwana ni mfwa cilasila, nu upangano uno mwapangana ni nsi ya afwe, nao kwene ulasila. Lino icinkunka caca ciza, ciliza cimufikile.

Umbwilo 11:2

Lelo utapima misolo ya kunzi, pano yene yapeelwa ku antu Akulukuwa, yene yalalyatola Musumba Wamuzilo kulingana ni myezi makumi yani na iili.

Ezaya 28:3

Ivingala vya maluwa ivyacilumba, ivikazwala intunguluzi zizya zicakolwa, vili nu kulyatolwa.

Ezaya 10:6

Nene namutumile ukuya ku kuzanza umutundu wa antu atamanya Leza, akambavya umwenzo, uku kupokolola ivisampwe, nu kuyiila nu kuyalyatola wa ntipa mu miseo.”

Utandiko 11:7

Leka tuye pansi tukavulunganye ululimi lwao kuti yatauvwana.”

Utandiko 11:4

Lyene yati, “Twikuulile umusumba nga nu lupungu lwakufika kwiyulu. Ndi twacita vii, tulalumbuka nupya tutalasalangana monsi mu nsi.”

Danieli 8:13

Lyene nuvwile umungeli wenga akuuzya umuze ati, “Uzye ivintu vii ivyalolike mu cilolwa vimatwalilila ukufika lilaci? Uzye ukufika lilaci lino uyi wakofya ulatwalilila umu cifulo ca kupeela impolelwa zya cila wanda? Uzye amu mayulu kumwi ni Ng'anda ikulu yakwe Leza yalalyatolwa ukufika lilaci?”

Nyimbo zya ndosya 4:12

Yakateeka ya panonsi kumwi na ikalansi kwene yatazumile ukuti icipondo nu mwanisi yalingila pa mpongolo zyakwe Yelusalemu.

Ezaya 25:10

Yawe alacingilila umwamba uu ni kasa lyakwe, nga lelo aina Moabu alayalyatola ndi vino insawa zikalyatolwa muli citindi umu ciwina.

Neemiya 2:3

Lelo nanenyile umwene inti, “Si kalukuwala uku mwene! Uzye kwene musambazi ningakana uli uku undalila nemuno umusumba wa vikolwe vyane, muno umwaya namalindi yao, watiusyala amatongwa nga ni mpongolo zyonsi nazyo zyati zipya nu moto?”

Masamu 89:40

Watuwisya amalinga yonsi amusumba wakwe. Watuongolola ni misumba yakwe ya malinga.

Mapinda 24:31

Monsi sile nazanyile mwamela imyunga, na sensele ale wakula wakwe cimwi. Ni cimpinda ca mawe ala cawa mpiti.

Ezaya 32:10

Api lelo mucili mu cinenke, lelo mu mwaka ukwiza mulaekaeka sile, pamulandu wakuti kutalaya amatingi yano mulaakuntola, awe.

Yelemiya 18:11

Ali cino wemo pitanga, yanga ukanene aku Yuda na ikazi yonsi amu Yelusalemu ukuti ne Yawe natinjateyanyizizya uyi, natinjapangila na mapange. Acino zenzukini cila wenga uku miyele inu iipe, cila muntu asenule imiyele yakwe iipe ni vicitwa vyakwe iviipe.

Yelemiya 21:4

kuti yanene Zedekiya ukuti Yawe, Leza wa ina Izlaeli, wavwanga wati, “Zedekiya, namacimvya ivita vyako vino vikulwisya umwene waku Babiloni ni vita vyakwe. Ndakolonganika ivyanzo vya vita vyako apakasi ka musumba.

Yelemiya 28:8

Yakasema yonsi yano yatukolelile, wewe nani, yasowile ukufuma ku mpiti inkondo, inzala ni mpungo, ivyakwizila impanga izingi na yamwene akalamba.

Yelemiya 45:4

Yawe nawe wavwanga wati, “Cino nakuuzile namaciongolola, nacino naalemile naco namacitukula. Ala namafulula impanga yonsi pyu.

Oseya 2:12

Ndonona imiti yakwe ya miolivi ni misamvu kwene iyo ino wene wavwanzile ukuti, ali malipilo yano akambwe yakwe yamulipa. Ndaisenula iye imisitu, nga inyama zya mpanga zilailya kuku kwene.

Masamu 89:41

Yonsi yano yakupita mwenemo, lyene yakusampa ivyuma vya mwenemo. Yano yapalamana nayo lyene yakuyaseka.

Kasambilizya 3:3

kwaya insita ya kukoma ni nsita ya kupozya, kwaya insita ya komoola ni nsita ya kukuula.

Nyimbo zya ndosya 2:6

Watalyatola Ng'anda ikulu yakwe Leza muno tukamupepela. Watalenga kuti mu Zioni mutaya amanda amuzilo kumwi na Masabata, Lyene nu ukali wakwe wafulumila yakateeka na yasimapepo kwene.

Oseya 2:14

Caleka, namalyombeleka umwanaci wiyo, namapita nawe ku lwanga nu kulanda nawe mu mazwi amutembo.