Ezaya 48:9 - Amazwi Yakwe Leza 2013

⁹ “Apakuti antu yace yandumbanya, namatala imfusye ukali wane. Namafukilila nu kumulovya ntalamulovya.

Ezaya 48:9 ပူးပေါင်းရင်းမြစ်များ

Masamu 106:8

Lelo wene wayapuswisye pamulandu wa ulayo wakwe apakuti alanga amaka yakwe alulumbi.

Masamu 143:11

Unsungilile nje umumi, we Yawe apamulandu ni zina lyako sile. We mololoke, upususye umwenzo wane ku malanda.

Masamu 25:11

Pamulandu wa kucindamika izina lyako, We Yawe, unjelele amaifyo yane, pano yene yavulisya.

Masamu 78:38

Nga lelo Leza wene wayayelelanga uluse. Wene wafutanga uyi wao nga atayalovizye foo. Amaila sile aingi, wasokolokanga nu kuwezya umwenzo.

Masamu 79:9

Ndu tutuule, we Leza katuula witu, pano wemo wewe mucindami. Ali cino fwandi ndanga utwazwilizye, ukumbule na maifyo itu, alino antu yamakulumbanya.

Mapinda 19:11

Amano ya muntu, ali yano yakamuteeka umwenzo, ukucindama kwakwe kwayelako umu kusuula imilandu.

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Ezaya 37:35

Anene nkusunga nu kucingilila umusumba uu, apakulanga vino ne mweneco nacindama, na pa ulayo uno nalavile umuomvi wane Davidi.”

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Ezaya 48:11

Nacino nemo nkucitila vii, umulandu sile uwakulonda ukuti antu yandumbanye. Ntangentemwe ukuti antu yansausya, awe. Nupya ntange ntemwe ukuti muze awino yalumbanya. Awe, cipelele ukutali! Pano anene sile nenga, nemuno antu yalinzile kuti yandumbanya.”

Ezaya 65:8

“Ne Yawe inkuti kutaya umuntu wino akaonona iviseekwa ivisuma vya matingi foo, pano umukafuma mwenemo waini. Ali cino fwandi nani kwene avino ndacita. Ntalalovya antu yane yonsi foo. Lelo ndapususya mwenemo yano yakantumikila.

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Ezekelo 20:14

Lelo nupya nasuzile sile pano nga nailetile sile nenga insonyi ku antu amitundu, alolanga kuno nayafumyanga mu Eguputo.

Ezekelo 20:22

Lelo nupya kwene nasuzile sile, pano nga nailetile sile insonyi ku antu amitundu aweni kuno nafumizye aina Izlaeli mu Eguputo.

Ezekelo 20:44

Mwemo mwe ina Izlaeli, mulasininkizya ukuti nene indi Yawe, pano nemo nsimucita ukulingana ni mipitile inu iipe, ni misango inu ivulungane, awe. Vino nemo ndamucita, ivyakusunga sile umucinzi wane epela. Ivyalanda ne Yawe Simwandalali.”

Ezekelo 20:9

Lelo nacindikanga izina lyane, naleka nu kuti litazewana pa manso ya mitundu muno yikalanga mwenemo. Pano nanenyile imitundu iyo inti ndafumya mutundu wane mu mpanga ya Eguputo pa manso inu.

Ezekelo 36:21

Lelo nasakamile izina lyane licindame, lino aina Izlaeli yasawisye mu mitundu ino yasalanganilemo.

Yoswa 7:9

Lino aina Kenani pali pamwi na antu yauze akaya ya mpanga ilya yaluvwa cii, yaliza yatuzinguluke nu kutulovya swensi pano pansi. Uzye lyene wemo ulacita cani pakuti umucinzi wako ukulu utakononeke?”

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.