Ezaya 41:9 - Amazwi Yakwe Leza 2013

⁹ Anene namufumizye ku mpela yansi nu kumwama kuti mungafuma kuku uku mpela ya nsi, ukutali sana. Ali pakumunena inti, Mwemo mwemwe aomvi yane. Anene namusolwile nu kumutazyela ntalamutazyela foo.”

Ezaya 41:9 ပူးပေါင်းရင်းမြစ်များ

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Masamu 94:14

We Yawe, utange utazyele antu yako, utange usumbe antu ali yakwako mpo.

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Ezaya 41:2

Aweni wiyo uwakatusya umusambazi kacimvya wa nkondo ukufuma ku ufumondaka? Aweni wiyo akalenga nu kuti acimvya konsi kuno waya? Uzye aweni akalenga ukuti musambazi wilya acimvya antu kumwi na yamwene kwene? Ulupanga lwakwe lukayasantola nu kuyulula ungati ulukungu! Inceto zyakwe nazyo zikayasalanganya ungati insaawa izikaulululwa ku muza.

Ezaya 41:8

“Lyene fwandi mwe ina Izlaeli mwe aomvi yane, mwemwe muli mutundu wa antu yano naisolwela ne mweneco. Mwemwe ana yakwe Abulaamu cuza wane.

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Ezaya 44:1

Yawe wavwanga wati, “Uvwini lyene, mwe amu mutundu wakwe Yakobo. Mwe ina Izlaeli, mwemwe aomvi yane, asololwe.

Ezaya 45:4

Pamulandu wakwe Yakobo umuomvi wane, pamulandu wakwe Izlaeli umusololwe wane, nkukwamila ukwi zina lyako, nkukupeela izina ilicindame nanti angala wemo utamanyile nene.

Malaki 1:2

Yawe akuti, “Nemo natemwa mwemwe.” Lelo mwemo mukati, “Uzye mwatutemwa uli?” Yawe wavwanga wati, “Uzye Esau atali umwina wakwe Yakobo? Nemo nasola Yakobo.

Luka 13:29

Antu yalafuma ku ufumondaka nu ku uwondaka, ku katutu nu ku kaeya, nu kwikala pa cimulo mu Wene wakwe Leza.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.